唔知有無人同我一樣……好憎奶奶成日將bb既相sd曬給大陸香港所有親戚，再sd埋給佢識既朋友！好後悔新年影左好幾張得意相給她，變左我已經唔想再分享bb既相……你sd咪一張半張咪算囉！唔知點解我好介意，老公更唔明我有咩好介意，有無媽媽同我一樣咁諗架？
1個讚
有無BB沖涼裸照先？如果有，就當然唔得啦。
如果係普通生活照，咁嗰班始終係親戚朋友，係你奶奶認識的，又真的不用介意。
8個讚
我都唔鐘意，成日將小朋友啲相主動周圍比人睇仲要係我唔識嘅人！
長老曬孫真係指定動作，如果自己介意的話唯一解決方法只可以send 少啲… 唉… 唔通叫佢唔好send 俾人咩 
我自己好少影相所以好少send 相出去，或者可以話我自己都當佢外人，係執得好好（唔係話ps 個bb，而係背景冇家庭雜物，服裝唔喱啡）先send 出去。即係send 去雜誌投稿都唔失禮，（唔知而家仲有冇
不過你明我講咩啦），可能個感覺會好少少。一個月可能兩三張，nb 果陣都勁少。不過如果佢成日嚟探，佢會自己影的話我又唔知點拆…
我奶奶都係是非當人情嗰type 嚟，我都好明果種好似自己私人嘢屋企嘢俾人周圍講嘅感覺… 嗰時我去健康院，我見完醫生出嚟搵返佢，佢同隔離個阿婆講我入院過程啲details嘢
我諗大部分奶奶都係分享症患者，又冇得正面抽擊佢哋，唯有自己調節做法啦唉
5個讚
我奶奶好少咁，我媽會send返大陸俾佢既姊妹睇，雖然我都好擔心俾大陸睇到，因為用wechat,不過無辦法，只叫佢唔可以send無著衫
長老時間多冇嘢諗，由朝到晚個心都係仔女、孫仔，期待BB相多過TVB劇集，一有靚相開心炫耀係基本。
如果你感覺唔良好，一係send少啲相比佢
1個讚
我丈夫介意send俾自己父周圍傳，我盡量俾啲唔係正面大頭相，或者笑得好誇張個樣唔係好似平時個樣咁，側面相，有時甚至係背面相都有send出去，總之三姑六婆收到都未必認到嘅樣嗰啲
1個讚
我真係想同奶奶講叫佢自己看唔好sd出去
睇完大家咁講，我發現我都唔知我奶奶有無send我仔女啲相比人睇添
不過通常都係我老公send相比奶奶，而我老公攝影技術好差下，都未必睇得清。
我阿娘就應該真係無，佢唔係圍住孫仔孫女轉果種人。
o 係喎，我都聽過有朋友係send 有filter 嗰啲，eg 加狗鼻同條利
結果我忍唔住同左奶奶講了 可能之後佢會好憎我 唉 是但啦！之後加filter 都好方法wo！
我自己就唔介意佢曬孫
本身我同奶奶未生之前關係唔係好好 一齊住的
生完佢超錫我囡 主動幫手餵粥仔同講故事書俾囡聽 有時仲整吓魚批生果俾我囡食
我好感激佢 讓我有安樂茶飯食
利申 老公豬隊友
2個讚
哈~
我都係咁
最得意/ 最靚果d 相同片從來唔send 俾佢 
1個讚
早知我都咁！！！影太好佢就忍唔住要曬！！往後要老公入埋鏡整到張相醜些先得
我啲相好唯美，一啲都唔醜，只係唔清咋
小朋友長後有機會睇到啲相架
犀利喎！想八下你點樣同佢講，佢有咩反應呀？
你又有道理wo！要調節下
她說會注意下 叫我放心
但唔知真定假
1個讚
齋件事就冇嘢嘅，但係煩啲囉
我奶奶鍾意將啲親戚啲BB send去家庭group，成個group冇人應佢，因為根本冇人鍾意BB同嗰個親戚
有次有人去staycation 同嗰個親戚差兩日，奶奶仲話早知夾埋一齊，好心啦，唔好做呢啲無L謂嘢
又係冇人睬佢
我會確保冇著衫嘅相一定唔會send到出去，就算自己留念，都會打咗星星先send俾老公同屋企人，然後delete原相。我自己都唔會keep住小朋友原裝出浴照