依家個個覺得拜年好似受罪咁
其實都因為人大咗，冇咁依靠父母了
我以前好鍾意拜年
因為自己唔識搵錢
我伯父會豐$100利是比我
最勁一年有$300一封利是
對30年前算好多
佢仲會送一排吉百利朱古力比我
連續送咗三四年
第五年我都17歲了
好記得爸爸媽媽同我講
伯父真係好錫你
年三十晚漏夜諗咗好耐買唔買吉百利朱古力比我
最後晚了
他還是不安樂，走去樓下買吉百利朱古力比我…
1個讚
以前細個會返鄉下，其實好好玩，有砂砲，細煙花，仲有好多人一齊過年，而家無曬，就算返去，都無咁多人
1個讚
冇呀，悶死就真，中學先識帶本書去睇解悶，但大人打麻雀又唔敢拎出嚟
大個拜年拖到最後一刻先上去，之前可以食嘢飲咖啡，開心好多
細個拜年時親戚會炸蝦片俾小朋友食，晚飯會有魚翅煲雞湯飲
1個讚
細個會去個住好遠的親戚屋企拜年，要轉巴士去，一共搭成兩個鐘頭多先到
哥哥怕我悶，每年都會去ok便利店買本加菲貓漫畫俾我睇住等巴士，仲會帶定啲朱古力喺袋，等我肚餓有得食
覺得有個咁錫自己嘅哥哥好幸福
8個讚
婆婆親手整年糕，好好食，食唔返。
年三十娘家嗰邊嘅舅父、姨媽、同大部分嘅表兄弟姊妹會一齊團年，晚飯前大人打牌，小朋友玩，食完晚飯玩魚蝦蟹、大細，12點食糕食糖水湯丸，好熱鬧好開心。
唔知點解同我嫲嗰邊無呢種氣氛。
1個讚
同你差唔多，細個真係好開心，細路仔加埋10幾廿個，玩到顛哂。
1個讚
Me2!!
一返到去啊爸就比錢我哋自己去買煙花、砂砲
諗返都開心
好難忘
1個讚
試過有年大人打牌打到好夜，之後傾計
我同家姐打機，電視遊戲，係彈珠人
勁好玩
唔覺唔覺，竟然打左成晚
啊媽話「走喇，去飲茶」
我心諗「飲咩茶啊？夜麻麻！」
原來已經天光！第一次成晚冇訓
神奇地，啲大人又冇話叫我哋訓
2個讚
以前新年最開心係年初一至年初三，街邊多小販賣野食，碗仔翅、燒魷魚等等，新年有利是錢就去買嚟食。
仲有穿雲箭煙花，沙炮玩
4個讚
細個同爸媽番鄉下，
玩煙花，玩砂炮。
最記得係跟家姐，細佬一齊去海邊執螺。
媽媽會比錢我哋自己去玩。
最記得細個好流行影貼紙相，
去果啲浴室比錢沖涼。
佢哋叫浸溫泉。
1個讚
呢個係超開心
有一年有個親戚送咗一包好靚嘅摺星星嘅紙條俾我（嗰個年代好興摺星星）。雖然好平，但係以前好窮，屋企人好少俾錢買玩具。同埋嗰下冇expect會有禮物收。所以好surprise好感動。
Btw 細個拜年嘅經歷通常係唔開心，被迫表演，被迫影相擺pose,被比較, 好悶etc etc……就算有錢收，有好嘢食，我小朋友嘅時候都已經覺得呢啲嘢係抵償唔到嗰種唔開心嘅感覺。
而家我做咗媽媽，就提醒自己將來唔好咁樣對BB
1個讚
以前過年好多小販好有氣氛㗎。都好懷念以前
1個讚
細個超唔鍾意拜年，收利是又要我講呢樣果樣！又要問埋曬啲無人想答嘅問題！
大個結咗婚有自己嘅屋企，先鍾意過年，叫曬啲朋友黎派利是飲飲食食，離開左屋企又會好期待返娘家拜年見屋企人，一齊hea(兄弟姊妹會幫我湊細路）
3個讚
我哋大個都仲好好感情，直到2019
1個讚
冇辦法，隨緣啦
我都係，真係好開心，大個啲我哋唔玩魚蝦蟹喇，玩魔力橋、我d表兄弟玩三公、射龍門
同埋細個我媽做大廈清潔，我同呀哥平時夜晚都會幫手去收垃圾，到新年時有d住客都會派利是俾我同呀哥，都幾開心年年有千幾蚊進帳
2個讚
以前有好多走鬼檔， 買買下魚蛋就突然叫走鬼走咗去
1個讚
該主題在最後一個回覆創建後90天后自動關閉。不再允許新的回覆。