由細到大新年都係講去「拜年」，無論幾多個家庭去長老屋企都係叫拜年。係結左婚，搬左去老公果區先聽佢啲屋企人同朋友講叫「團拜」。
第一次聽果陣仲心諗JM9團拜乜唔係教會活動來架咩。之後先發現好原來好多人都係咁講，同宗教冇關嘅。
想問下你地會叫團拜定拜年呢？會唔會同咩區有關呢？我住新東就講開拜年嘅。
團拜係拜年嘅其中一個形式
1個讚
幾家人同時去同一個屋企叫團拜；一家人去一個屋企叫拜年，我係咁分。
6個讚
我屋企講團拜，會由晏晝食埋晚飯先走，係咪團圓圍埋一齊叫團拜？我都覺得好有宗教味道。但從來無深究。
拜年即係去一地到一陣間就去下一家到叫拜年？
利申：我亂噏！
我娘家興團拜，唔同嘅家人會响其中一個親戚屋企集合，一齊拜年，之後6-7家夾埋廿幾人浩浩蕩蕩坐車去其他親戚屋企拜年，夜晚會去一個親戚屋企食年初一飯。一班人有小朋友好熱鬧好開心，又唔怕上到去拜年冇話題。
以我嘅理解，拜年係自己一家去親友屋企拜年，冇約埋一大班人一齊。
2個讚
Same~
團拜，你當做眾數；拜年，就當係單數，咁樣會唔會好理解啲？完全同宗教無關的
1個讚
拜年係一家對一家咁見，以前啲人時間多，又或者無其他嘢好玩，或者願意放多幾日來去哂所有親友嘅屋企。
未有疫症之前，可能得初一初二拜年，初三就去旅行幾日。咁如果老人家健在，就約埋幾家人一齊團拜，本來要幾日先見得哂嘅人，依家個幾兩個鐘就完成任務。大家都想高效率咁完事，咁就多幾日私人時間去玩。
如果自己又唔係同啲親戚咁好感情，農曆新年仲係香港拜年，到底係為愛，剩係為責任呢，都可能係窮，無錢book貴機票酒店。
1個讚
拜年係general ，團拜係幾家人集埋一齊嘅拜年方式
同宗教無關
我先係頭一次聽過有人分唔到
5個讚
從來叫拜年，以為團拜只用係機構對機構，原來屋企親戚都咁叫
1個讚
哈哈，就係同我一樣。幾多個家庭去一個屋企都係叫拜年,又或者本身係一個大家族，就係一家人（？）所以一家人再叫一團好似好怪。
我屋企又絕少安排淨係一個家人去一個家庭拜年。
咁樣動態轉場又真係一個團喎
唔係分唔到，係以前從來冇聽過可能我父母唔係好傳統，直頭會話「一齊上邊個邊個屋企」。
而一班親戚咁多年約定俗成初一至初三係邊個度聚，每年都只係約時間，個活動連名都冇
1個讚
以前係叫拜年，唔理幾多個家庭一齊，都係叫拜年。
團拜係近期嘅叫法，我 印象 都係由教會 先 叫團拜。
可能教會啲人叫開 ，啲人習慣，就叫 團拜，
1個讚
me2
唔關宗教事
我細細個爸爸媽媽係講拜年，大個咗又講團拜，我覺得唔關結婚事，係咪年代唔同所以依家先鍾意講團拜
我四十幾歲，細個幾家人上舅父拜年已經叫團拜
我意思係換左個社交圈發現有其他叫法
同意樓上啲points
同埋覺得團拜一般係冇長輩嘅（唔知大家係咪都咁覺得？）
我哋叫拜年，成堆親戚一齊去我阿爸阿媽屋企都係叫拜年，不過都明團拜係乜意思
係文化唔同左
不嬲都叫拜年，無論N班人去或一個人去
好似冇聽過團拜，崇拜就有