文中話人地拎禮物上黎就要回封利是俾人都已經好多人唔識，唔好話後生唔識，我99果邊冚家都唔識。
反而同我同年既同學仔就會回利是。
我係用環保利是封，即係重用人哋上年包俾我嗰啲，主要都係封$20 ，俾啲唔係太熟嘅人。
但係原來咁都話唔得？！
以前公司同事興周圍去唔同department 拜年，所以派俾同事我只係封10蚊，因為好多都唔識，不過同team的同事就派20蚊，因為真係識得同一齊做野
1個讚
嘩咁厚面皮都做得出
雖然會覺得10蚊少，但絕對唔會出聲，係有冇家教嘅問題，可能人地覺得根本冇交情，意思意思應酬吓。20蚊就係而家公價，唔需要俾多，以前有米CEO都係包$50蚊俾大家
我都會用呀，因為掉晒佢實在太唔環保
以往銀行比果啲新嘅利是封又仲有好多
所以會隔年用一次新封，一次環保封
環保利是封都會揀過先用
唔係自己姓名、有年份公仔/字、黏貼封口、寫咗字嘅封都唔用
以我所知呢類封連環保團體都唔收
利是封夾雜咗太多雜質，當癈紙回收都唔可以，只能直接去堆田
跟住我會排返利是封嘅大細，分返差唔多色，先會入錢落去
到派嘅時候就唔會一大一細，五顏六色咁肉酸
6個讚
Yeah, same same 
不過隨著年紀越大，收返黎嘅利是封越來越少
保安同茶樓樓面我都唔比的，吹咩
明明有人工收，做咩係要笑口勢勢嚟吼封利是
2個讚
你無錯！聽人講過，咁嘢會運氣好啲啲。
上年去萬寧shopping，聽到D職員係到傾計，佢話佢哋大陸唔會封廿蚊咁肉酸，一係就唔好比。
咩心態，佢哋自己先知啦!
可以回收，喵坊可以處理到
1個讚
佢地最叻吹水啦,分分鐘一係派10蚊封一係未嫁
2個讚
我同小朋友都係講完祝賀說話就袋埋佢算 
1個讚
我同你一樣。通常唔出聲，最多以後少D來往。
1個讚
好無奈喎
買包細狗糧 入幾粒落去啦
同屈無分別
7個讚
我諗起上年帶狗狗落街, 咁都識附近D狗友架嘛
其有有位女士(歲數唔想估, 但一定大過我同我哥) , 單身(我估)
佢派左封利事比我地, 話係比狗狗, 幾錢唔記得啦,
但超唔好意思, 因為我地都無準備D咩
學你話齋比狗耀會好過真係比利是, 大家都係狗友, 比利是(錢)
真係有D 尷尬, 我明白係出於好意, 但個下我真係唔知點算好
又係面子工程。
我地親戚係普通一個打工仔搵幾千蚊一個月，兩公婆加埋先搵萬幾蚊，派10蚊都難啦。
咁的確有d咩委員呀書記呀果d係俾好大封，連我完全唔識既都封左成千蚊。不過我阿媽話係因為果個人俾面我地個親戚又唔知我係個親戚既乜水先有咁大封。
我收過最細既利是係五分錢人仔，係我麻麻俾我的，仲係用會甩色既紅紙包住，麻麻走左，張五分錢仲o係我櫃桶 
4個讚
我早兩年仲有封$10、唔好嫌cheap、公司大九五搭八一堆人黎費時兩手空空核突咋、呢兩年好啲、果d錢都慳返
唔使即刻拆利是呢個氣場，即是唔等錢使，已經係福氣嘅表現
1個讚
我收過利是入面係張六合彩，我自己覺得好笑又開心，學派那個話齋，分分鐘有一百幾十萬咖
1個讚