開呢個post 預咗會俾人話
有感而發，我自己其實覺得利是有最低amount 呢樣嘢好唔應該。
首先包利是呢個文化已經好無謂，唔明點解無啦啦要收人錢或者派錢俾人。
第二人哋比禮物你，唔係應該都要覺得多謝咩。點解覺得自己有資格可以嫌人比得少錢比你？甚至有樣嘢叫「公價」？你話去飲，要去人哋度食一餐，你要比返大概嗰餐飯嘅價錢都話，但點解利是都要有公價？生日送禮物，佢送一樣嘢比你，到對方生日，你回返差不多價值既野比佢，我都明，但利是真係兩手揈揈收人錢（ok，仲會講啲祝賀說話嘅），都要求有minimum 真係好醜陋。
個人經驗見啲單身同事返位拆利是，見收到封十蚊，即刻講咗句「當我乞兒咩，封十蚊不如唔好比」。真係反感至極，佢冇修養講出口係一回事，但呢個「最低消費」風氣真係好差。
都明白有得派利是係福氣，新年利利是是，自己都隨波逐流at least 入廿蚊（定係已經out 咗，而家係$50@？）以上個人感覺，歡迎大家正反意見。
其實真係唔知由幾時開始會咁，細個我爸媽教我唔會當面拆利是，因為唔駛知邊個封左幾錢，收起講多謝，交俾爸媽就完。
因為唔知幾錢，根本唔會計較，同埋爸媽細個都有教我利是係祝福，係長輩想我身體健康，學業進步etc. 唔會提及金額，所以我而家都咁教小朋友。
早兩年我比啲停車場管理員一律十蚊，呢兩年二十
唔會擔心小唔小家，啲錢係我嘅，我鍾意比幾多就比幾多
同埋我又真係無聽過身邊啲人講封咁少
我禁多年都係20蚊. 看更10蚊.
SORRY 無禁既能力豪爽地封50, 100 周街派.
唉，停車場有一堆人根本泊十年平時都未見過，初一嗰日就企曬喺門口，我同老公條氣唔順，一律十蚊
唔鍾意香港嘅利是文化，利是原本係大人比小朋友嘅小小祝福。
其實$10 $20我覺得冇所謂，意頭嘢嘅嘢，每個人量力而為。
我姊妹嘅細路同埋公司下屬一律$50 ，其他街外人包括保安同清潔嬸嬸$20，另外會袋住啲$10嘅以備不時之需。
利是無通漲，未去到 minimum $50
你生活喺個好氣場嘅環境！或者你個人氣場好，自動過濾差嘅嘢。
我原post 文中嘅同事係二十出頭，我估其實其他同事都有同一諗法，只係冇講出嚟，次次呢個派十蚊利是嘅人嚟，佢哋幾個冇家教嘅都偷笑，少少刁難（唔嚴重嘅，始終返工做嘢）。或者最近去連登都會見到佢哋新年有個sticker 係收十蚊利是嚇咗嚇咁嘅樣，上連登勿認真就一定嘅，但見到個sticker 就覺得呢個不成文規定係established.
我會大聲話 “乞兒都比廿蚊，乞兒都不如”
十蚊冇咩問題啫，你估人人好多閒錢比利是咩
$50 太多啦
除非 $20 響硬嘢
連登吹水多啦，個個fresh grad 搵四、五萬嫁
不過我自己咁諗，佢當面講，即係都唔留情面，駛咩理佢點睇
硬野又唔好，我成日覺得硬野似帛金（因為要$1尾）
佢唔係當場拆同講，係返位拆，同其他同事講。我edit 返原post 先～～
以前$10 係因為變左 硬嘢 先上 $20
原來而家已經唔興正月十五先拆利是。。。我仲好old school, 過左十五先拆
講出黎都覺得羞家，唔鍾意可以唔要。比著我一係借d易唔再比，一係會繼續封10蚊但就講：下，你會唔會嫌少ga, 難為你收唔好意思ga wo，睇佢難受樣。
但如果呢封係開工利是，派得10蚊又真係嬲既。
佢唔係當場拆同講，係返位拆，同其他同事講。我edit 咗原post 喇～
嗰封唔係上市俾下屬開工利是。係佢哋去其他dept 逗返嚟嘅。