本港爆發第五波疫情，葵湧邨超過300多人確診，多棟大廈遭圍封強檢。有居於被圍封禁足的夏葵樓居民向《香港01》投訴，突遭工作7年、以手造鳥結糖聞名的美孚多多麵包店（Door Door Bakery）以「不適合」為由即時解僱，她強調7年來並無犯下大錯，質疑餅店因她無法上班而無理解僱，她已向勞工處求助，追討約6萬元的代通知金、遣散費及長期服務金等。
多多麵包店在Facebook發聲明，否認因員工被禁足隔離而作出解僱，「近日都關注同事離職一事，重申只因個別員工表現問題，並不因禁足導致」，「本店為因此事故而被評為無良僱主，真真正正心感無奈……亦心痛為何一面之詞即可定性事件。」
勞工處表示，不會評論個別個案，但提醒僱主應盡量諒解僱員在疫情下面對的實際困難，與僱員保持良好溝通，協商工作安排，不應基於僱員受隔離檢疫、限制與檢測宣告及強制檢測公告影響而把他解僱，否則或會構成不合理解僱。
咁呢個咁既時期炒人都係搵自己笨啦！
唔排除佢行為本身有問題
但避開左呢個「囚禁」期炒咪冇事囉
講唔過喎！
自己攞黎衰既
無良
工作7年, 1個月可有4日病假, 如果個STAFF 比病假紙 (檢疫禁足人士可以要求), 病假期間唔可以炒人, 先不論佢工作表現如何, 炒人一係賠一係比通知期, 呢段時間炒人十分不智
封區跟本on9
呢間係咪食曲奇同車輪餅嗰間？定第二間嚟？
呢間係曲奇同鳥結糖出名果間
車輪餅係另一間
藍店士多有佢 d 嘢，即係可以 blacklist 得
專家：無證據顯示解僱與封區有關。
做左7年而家先話表現差炒魷點都講唔去啦，係咪唔想補錢?
你可以炒人，但要賠足
諗埋D縮數就係賤啦
咁趕住出名
親朋鐘意食多多鳥結 我年年都會買 佢就年年都加十蚊盒 好lu 以後唔洗買 
佢年尾生意旺到爆、駛唔駛咁mean
咪係，正如產假後都唔炒一樣
同林鄭一樣，講嘅嘢重衰過粗口
44分鐘前新post.仲刪去舊post
“對於有關小店報導，呢兩日我地認真檢討過，確實有處理不恰當及溝通不足嘅地方，小店深表萬分歉意，並收番之前相關嘅回應，正在積極同陳女士協商中。
我地係一間服務社區多年嘅小店，默默用心經營到而家，感恩得到街坊嘅支持，經過呢次事件，我地會汲取經驗，誠心聆聽公眾同員工嘅意見。
對於今次引起大家嘅不便，為表一點心意，小店向北河(明哥)慈善基金有限公司購買1000個飯盒，將於2月贈予深水埗街坊。
藉此，祝願每一位香港人身體健康! 心想事成!”
炒完人去派飯？是否on9？
表乜嘢心意？你買飯盒送俾人，同個被炒員工有乜關係？夾硬拉埋黎講！