想生二胎 大寶二寶相差幾歲最好？

[EveryLittleThing]

大寶下個月一歲 打算生兩胎等小朋友有手足一齊成長
雙職父母 工作唔算好忙
間中wfh 屋企有一長老幫手
爸媽們可以分享經驗嗎謝謝

[LovePotato]

睇你想要乜，因為每樣都有利幣

身邊好多朋友一個接一個，佢地話：
～反正都係辛苦，一次過湊兩個近啲，步伐會近啲，同一時間面對嘅嘢差不多
～資源上好似抵用啲，例如請工人姐姐年期唔駛咁長（假設入學就唔要工人），嬰兒物品大嘅用完轉頭可以俾細
～有仔趁嫩生

我自己喜歡相差幾年，我覺得係：
～ 頭三年可以專注啲照顧一個嘅需要
～ 如果大嘅懂事，會幫輕好多
× 體力會大不如前
× 物資上可能要好多地方儲存，或者要從新買過

如果就返你情況，雙職父母+一長老幫手，無論小朋友咩年齡，我諗你要搵多個人做back up會好啲，始終擔心老人家體力上難應付兩個，仲要預期短期內有疫情，小朋友成日都會屈喺屋企，如果得一個照顧者應唔應付到？

[Allbest]

我自己就隔三年先生第2個，起碼大既返幼稚園，唔洗再貼身照顧，就可以湊bb, 大既仲可以幫下手睇住細。兩個太近歲數，照顧細既同時，大既都要被照顧，簡直玩死自己，你仲要得一個長老幫手，同時間照顧兩個差唔多年紀，應該攪唔掂，除非多一個姐姐幫手。

[No.7]

睇自己年齡，廿幾三十就可以隔三五年，如果高齡或近高齡就拿拿聲生，始終唔係想有就有。
原來人嘅體能同復原能力真係會一年一年下降，一湊仔就知

反正兩胎隔幾耐都各有利弊

[duckducke]

我仔就快一歲，我都諗緊幾時生第二胎好，
本身因為已高齢
齡，諗住仔一夠一歲就備孕，
但又擔心自己handle唔到

而家我都係雙職父母，我freelance 較得閒，但先生忙，所以主要係我湊，婆婆有時嚟幫手，講真都幾攰同好困身

但我又想快啲生埋，快啲甩身

[asukav6]

隔3至4歲左右最理想，唔使湊得好辛苦2個又玩得埋

[fsforth]

我三年抱兩，長大後兩個感情都算好。
年紀近無咁悶，可以一齊玩，不過打交就一定有，父母要識 handle ，如果唔係大個左佢哋會有心病。

[Tamama]

我2胎隔3年，但如果俾我揀多次，我希望隔4年
如果太近，會辛苦到嘔，小朋友頭2年最需要媽媽，我覺得專注左佢頭2年的時間先，對哥哥姐姐的心理發展會比較好，佢地會理解點解媽媽有左bb後會少左時間陪佢地，好彩的話仲可以教埋佢地幫手照顧bb

[YSLML]

我覺得相差3年左右就最好，我本身都係plan 大果個2歲左右就開始備孕。最後2個相差1年多小小

宜家自己1打2，婆婆間唔時過黎幫下手，同埋有請鐘點。要老人家1打2既話，要煮飯做家務，應該會比較吃力，最好有多個人幫下手。