樓上朝朝7點不斷發出一兩聲巨響，連星期日都唔放過，長時間被佢嘈醒唔夠瞓，情緒同身體差咗好多。已經成日搵管理員上去，但管理員成日都話唔係長響/keep住嘈係唔會上樓……
已經無曬辦法，想試下寫信畀樓上單位，內容應該點寫好？唔知係未成日聽埋D變態鄰居故事太多，好驚佢會搞返我轉頭，始終一個人住，擔心有危險。
唔知大家仲有咩方法可以做呢？
始終係朝早唔係夜晚，唔通唔畀人生活咩……
如果知係樓上
你下次用個單位打去投訴話唔知邊個有糟音，（因為我住呢邊啲食蕉會去番打電話投訴個單位了解下）
咁食蕉又唔會煩我，嘈到人個單位又知有人投訴嘈音
1個讚
已經試過好多次，講到明係樓上個單位嘈，保安話唔係即時響/長響佢係唔會上門。
亦都試過一晚打2次電話，但個保安發返我脾氣，話上過去10分鐘都無聲……
樓上個單位D巨響真係捉佢唔到路，所以真係無曬辦法。
如果保安咁衰，我會搵屋苑管理員/經理。
保安成日轉工，佢哋好多都求其應付咗你就算。
1個讚
我諗係佢地守則要求佢地咁做，因為無論係女保安定男保安都係答返同一個答案。
屋苑個管理處係返Office Hour, 有事都唔會Call 到佢地。
所以依家打算想寫封信叫樓上輕力D, 但又驚寫得唔好。
另一半有話不如拍佢門當面講清楚，但我覺得咁好危險，一直大家有咩誤會衝動就唔好啦…… 所以真係好煩好糾結
辦公時間打去俾管理處經理，叫佢叫佢D同事處理好。
你遇到呢啲事，一定要堅持，先解決到問題。
2個讚
先了解一下樓上住乜人。
再諗對策，暫時唔好上去拍門。
1個讚
只係知上面個戶應該有養狗, 成日都聽到D 狗嘅跑步聲~
星期日朝早打過去保安話好嘈，個保安只係話可能係個家務助理開緊工
依家呢個世代同層都唔會打招呼，大家都唔識大家，要了解上面個單位都真係幾難，所以每次晚上嘈得濟都係叫保安。
但朝早人都未瞓醒唔通日日打落去同保安講﹖
不過我就一定唔會上去拍門，我都唔想做麻煩鄰居嚇親人
佢意思係用你樓上個單位18C室名義去投訴有嘈音
你自己一個女人住, 真係唔好自己上去拍門, 好危險
我樓上已經嘈左幾年, 晚晚10點幾嘈到朝早8點…我都訓唔到
好彩既係我部冷氣係舊冷氣, 有少少嘈
所以成日開住部冷氣, 咁就可以遮到3-4成樓上既噪音
保安其實唔會理你…如果佢真係KEEP住有噪音既, 可以試下報警
睇下D警察上去兇一兇佢地有冇用
(我鄰居試過報警, 但樓上都係繼續嘈, 我已經放棄…)
2個讚
你哋唔知道有震樓神器,
可以同佢攬炒！
1個讚
我每晚瞓教都會用工地用個D 咁大個耳機嚟瞓，但有時大聲到隔唔到音。
朝早都可以報驚處理﹖有時都唔係咁想玩到咁大……
其實震樓神器係會影響埋其他單位，仲有大廈結構，天花好易出裂痕，同埋係犯法架~
1個讚
其實樓上知唔知自己嘈到人，有冇通知過佢？
寫封信動之以情，好過報警玩寸個party 啦。(不過前題是佢係好人)
1個讚
真係唔好一個人上去撳鐘
我之前有個客，向管理處投訴過幾次都冇改善，跟住自己走上去拍門，點知個製造嘈音嘅人拎界刀界佢，仲要界中條頸嘅動脈，好彩叫得切白車，遲少少差啲命都冇
1個讚
自己一個女仔住千祈唔好上去，比佢點埋你相。我試過同鄰居交惡，佢吼住我d出入時間（肯定佢開電視睇lift閉路電視，因為我同佢單位唔係隔離），知我一個住，返工時間冇人响度，佢搞我門口，我要報警處理，雖然冇證據係佢做，之後佢冇再搞我門口，我門口都裝左閉路電視。
1個讚
之前夜晚嘈有搵過保安上門, 算係收歛咗少少, 但朝早真係無佢辦法。
所以先諗住寫信，唔通連朝早都要報驚咩……
係呀……我都驚呢D 問題，所以好堅持每次都係搵保安上門……
@meiyee 好彩你人無事咋，我成日都好驚我成日咁投訴佢都會搞到有麻煩…… 所以有時都唔敢投訴，忍忍佢就算
你叫保安整張通告貼係佢個樓層lift口同大堂，仲要註明幾點發出噪音，滋擾到你嘅身心靈健康，我試過同樓層有個人成日吐口水喺lift口，跟住叫保安貼張通告係lift口，之後就冇再發生
1個讚