移民英國到埗住house定apartment?

As title

我諗多數人都係apartment先。好似少d野諗咁,但住落要整都好多野可以整:crazy_face:

我哋住apartments, 因為house 有後園,要自己打理,冇經驗會麻煩,另外apartments會安全d , 住house 防盜要注意,所以先住落再考慮住house

1個讚

我識大部份住Terrace house

租house

因為香港住樓 又細 黎到梗係想試新野

另外因為如果將來有錢會買都係屋,一定要試下先知住house有乜野好處同壞處 或者適唔適合自己

3個讚

而家租梗apartment, 不過之後打算買house

1個讚

買一間屋放租,再用收返來嘅錢去租 apartment,我仔女都差唔多成年獨立,都係得兩公婆住唔使咁大地方,最後是旦一個行先,另一個都係獨居老人,去到無工人姐姐,買得間屋太大,都係玩緊自己,年紀越大,仲要係亞洲人嘅樣,就易俾啲賊睇中,後生仲打得兩嘢,老咗就最好低調少少,獨立屋啲樓梯較斜,老咗腳唔夠力會唔方便上落。

年輕 couple 有小朋友就住 house 比較開心,特別係小朋友。

2個讚

我未到埗但買左apartment, 覺得易handle啲
但身邊朋友多數買/租house

我見就算本地人, 年纪大左都會住flat, 容易打理D!
House 有樓梯,老左唔想上上落落啦

個人喜歡flat, 地方實用一眼睇曬,間屋太多樓梯位暗角位,我會無安全感,又怕小朋友碌落樓梯(碌過)。

住過不同屋型,隔音好好嘅flat又有,隔音好差嘅house又有,好難一概而論。

1個讚

一定住 flat 先,一來你人生路不熟又乜都未搞,住 flat 你可以休息三四日整理自己。住 house 啲賊都唔蠢,見到係亞洲人一袋二袋就會落手,住 flat 起碼有保安/人多。

睇 house 要睇過曬先租/買,有啲樓梯好窄好斜,有啲係隔離鄰舍係亂七八糟嘅人,呢啲要睇過先知,齋睇相睇 video 睇唔到咁多。

短住就 flat方便些。
長住就各有各好,我自己因需要 freehold 來改間屋,所以唔考慮 flat。
另外,有電梯既 flat,每月有過百鎊既管理費,手頭唔鬆動既可能要考慮埋。

唔住flat好大原因係因為個管理費,電梯維修可以好甘。加上Grenfell單野好多高樓都仲係唔批mortgage, 買又難,甩手又難。

住flat唔一定有保安,我呢度冇。我呢度得三十幾戶,都冇乜遇到鄰居,住左半年只遇個幾次