懷孕15周，可以去染髮？
我見過有其他懷孕媽媽染到把頭髮好靚，我都好想染
始終化學嘢我就覺得唔好啦
呢D嘢無事就無事, 我唔想有任何可能性係因為自己影響到BB
(果時有個同事大肚時成日食D午餐肉, 腸仔之類…醃製食物, 佢小朋友一出世就嚴重濕疹)
一年啫, 乖乖地, 戒口避免化學嘢 (染髮, 指甲, 做機…可免則免啦)
2個讚
唔可以呀!
SALON好勁化學劑味 
睇你夠唔夠膽，我同事懷孕中一直照染髮，仲係染白金色，到懷孕後期，佢個髮型師驚過佢，叫佢生完BB先再嚟染。
同食煙飲酒，甚至食魚生，未消毒的奶類製品一樣，無話唔得嘅，機率嘅野，人地無事可能人地好彩，要你自己評估自己運氣好唔好囉。
6個讚
係，無謂博
染髮同GEL甲都冇去, 始終陣味都係D化學嘢
1個讚
我都成日食午餐肉，火腿架
我就係見到對方染白金色，同埋佢個肚都好大喇
我冇染
我個髮型師都講明唔會幫孕婦染髮
聽大家咁講，都係唔好搏
4個讚
乖
咁好戒啦, 講真, 小朋友有濕疹好慘, R到手腳出血, 朋友話要綁住佢, 喊到呼天搶地, 成家人都唔駛瞓, 我講嚴重果個直情係塊面成日甩皮咁嘅狀態
同意樓上。
樓主既然會有擔心，其實無謂博，有冇事無人知，一定會有人同你講佢試過無事，但唔怕一萬至怕萬一，萬一出事，好過他朝你就會怪自己。
平時放工收得晏，返到屋企沖完涼煮完飯都9點先有得食，所以一般都係梅菜蒸豬肉 或炸菜炒豬肉 或午餐肉炒蛋菜碟炒菜芯，放假早餐會食腿蛋治，平日早餐會食腸仔飽，lunch會出去買外賣，其實日日都離不開加工食物。
可以分享一下你地平時食啲咩？
明白，多謝你
咁聽落真係唔多理想, 比較多加工同醃製食品
早餐可以試下烚蛋牛油果多士, 麥包, 牛奶麥皮, 飲到奶就飲奶或中式粥,瘦肉加菜通粉…
LUNCH 會唔會考慮自己帶飯用蒸/電子飯壺
晚餐可以買三文魚, 新鮮肉類, 一星期食一次深海魚, 淥幾條菜食下
(其實食包多都唔係咁好, 記憶力會變差)
係呀，我以往一直有染髮同整甲，備孕前專登拆咗甲先
再染返黑少少啲頭髮，就係預懷孕時唔可以整，染返黑少少就算孕期啲黑髮生返出嚟都冇咁疑眼
1個讚
早餐都可以轉成烚蛋嘅，另可唔可以麥皮方包加片裝芝士，再放入微波爐丁熱食？（因平時喺屋企我會將片裝芝士放入焗爐焗熱先敢食，直接雪櫃拎出黎，我唔知食唔食得，微波爐我未試過）
午餐因公司只有微波爐，日日食微波丁飯好似唔係咁好，所以我選擇買外賣
晚餐老公唔食魚，都唔鐘意喺屋企蒸魚，所以有左後一星期我最多蒸一次魚，至於肉，我想知點煮會比較好？我多數都係xx蒸肉餅或節瓜炒豬肉
多謝分享
白頭髮有冇得攪？