感覺上好似每個人都總有少少副業/兼職，例如開網店或者pt做唔同既工，多才多藝既你地係點開始去做㗎？歡迎各位分享下經驗 
我自己冇咁嘅經驗，但睇朋友嘅話都係由興趣開始，例如鍾意整蛋糕，就走去上course 學，仲考埋試。後來越整越多，慢慢開始收錢整比朋友，開始儲多啲貨（成果嘅相）同口碑（朋友comments 就開始真係接orders。而有d 係一早為自己記錄就開ig，有啲就係真係開始接orders 先set up。不過其實接orders 呢part 有少少踩界，因為應該要有飲食牌照，不過詳情我就冇研究過了…
LM 學野…
十幾年前返工時有幫人freelance整結婚花球，喺yahoo 拍賣出post幫人整。我而家都十年無再插過花了。好在早就收手，因為有淘寶之後好多人唔會再花錢喺鮮花花球。
幾年前喺淘寶淘啲嘢返嚟放上Facebook 賣，例如橡筋、小文具等，樣樣現貨。後來太多人對Facebook 網購無信心、又多咗人識淘嘢，我就唔賣了。
而家我都無做呢啲買賣喇，專心搞好屋企啲家務先。
我唔覺好多人有兼職喎
唔知副業計唔計埋炒股？玩股票既反而好多。
我身邊都有朋友係代購台灣野，正職做空姐，就算失業後都叫做有份收入頂住先，另一個就副業已變做正職，開左間鋪頭仔
所以跟住個趨勢做都好重要
我都有，但我係輸，講起就覺得好心痛
我係朋友間舖做兼職，自己未完全考慮清楚就答應。
其實都幾辛苦，想quit份兼職，攞d時間重拾自己興趣，但我quit就無人幫佢手，而家進退兩難
1個讚
依家請人應該唔難？但你唔講就要一直幫佢
而家無得飛，點入貨呀？
我同你情況都有啲似，早期有做啲買賣，但見到開始多競爭壓價就冇做。反而有啲人見到以為好好賺嘅時候先入市，其實市場已經飽和左，而我哋已經賺夠離場
我衣加都仲享受緊成果，湊下B先，再觀察下個市場有啲乜嘢係未俾人發掘。我唔鍾意跟人哋做，鍾意帶個市場出黎。
2個讚
佢好似上網買㗎
咁你個成果都唔少，搵新野做要有個市場觸角同敢去做先得，最重要好難搵
呢啲代購識上網訂，再運返嚟賣。我有時都上轉乜拍賣買日本原芯筆、筆袋。雖然文具舖有，但呢啲代購平啲又可以寄
該主題在最後一個回覆創建後90天后自動關閉。不再允許新的回覆。