我見貓貓鍾意食濕糧, 不過佢好衰, 成日食一半另一半就放o係度心情好先食, 就算放一半份量佢都係咁, 我見人話對牙唔好, 最好餵乾糧, 又話濕糧好易壞, 放唔耐, 會"牛"菌, 搞到我有d擔心
乾糧可以當潔齒的確對牙好d, 濕糧容易有牙石而引致牙周病同蛀牙, 但濕糧可以加水逼佢哋飲多d水, 因為靠佢哋自己飲水一定唔夠, 容易有腎病, 另外乾糧放得唔好一樣有霉菌會致癌 (乾糧深色, 有霉菌都睇唔到), 一定要放密實盒加防潮包。
乾糧濕糧各有好處, 佢腸胃ok 嘅話可以隔住餵, 反而我會注重乾糧濕糧入面嘅鹽份要低, 以防腎病。
我都係俾濕糧貓貓食，乾糧間唔中當零食咁俾
我覺得俾貓貓攝取足夠水份重要d, 餵全濕就唔使太擔心佢飲唔夠水
要記得俾主食罐先符合營養標準
至於話乾糧對牙齒好d 其實我就唔係好信，d 乾糧好油膩同腥，食咗應該會癡牙唔係潔齒 
而且都睇到唔少資料話好多乾糧成分複雜，同埋太高碳水
佢哋都唔咬既
乾糧同濕糧各有各好處啦! JM google參考下 pets.ettoday 果D都有講
我都試過罐罐夾貓餅咁餵，但佢一塊貓餅都唔掂，有段時間完全唔畀濕糧，佢仲要發我脾氣…
我聽人講兩溝最好
同我家中毛孩一樣, 依家已經變成食homemade…
我果隻勁唔鍾意濕糧。。。。只食乾。。。仲要係勁挑食
我要買日本牌子好香果d 副食罐，仲要勁多湯果d,再打成蓉／糊，佢先肯一日分2次食。。。
我都知味精濕糧唔多好，但總好過佢唔夠水份
半食就放乾糧比佢，如果唔係半夜3點會叫開飯
有冇試過生肉糧？加水食我嗰啲好鍾意
唔肯。。。聞2下就走。。。
有隻proplan益生菌，我寶寶食完胃口大開，以前要餐餐跪求佢食咁濟，以家連烚菜都肯食
same case~我3隻都鍾意「嘆糧」~比親都係食2啖行左去~貓餅直頭唔肯食~而家聽frd建議試緊用RC乾糧嚟溝濕糧食~試左一排都肯食~樓主可以諗下~
貓係肉食動物，食肉類蛋白質，唔需要菜同澱粉質㗎
2個讚
D貓其實挑剔過人 要揀到隻啱佢胃口嘅都唔係咁簡單