政府統計處《綜合住戶統計調查按季統計報告2021年7月至9月》最新數據，列出了1人至6人以上家庭每月入息中位數，即看自己家庭收入在同人數家庭，甚至全港家庭中排第幾吧！
2021年第2季按住戶人數及每月入息劃分的家庭住戶數目
另外，統計處數據亦列出了公屋、資助自置居所房屋及私樓住戶的每月入息中位數，意味若收入高於相關數字，已比一半同類型房屋住戶高。
2個讚
點解次次睇親呢d都覺得好離地
5個讚
獨居長者咪會，但未計儲蓄架喎
1個讚
咦？唔係M型喎
大部分身邊朋友同學個個家庭計都起碼係6萬以上，但計埋供樓個堆最後都只係啱啱好夠用。
因為你唔識低下階層嘛
再有錢又會諗，得6萬點生活呀？
1個讚
X2 生活圈子唔同，
當年唐唐做財爺，唐老太係民國上海金枝玉葉，第一次去財爺官邸參觀，好大反應，咁細點住呀？
3個讚
或者可能個表計埋上左年紀退休個班？退休已經係靠收息收租，變相拉低左月薪既curve? 唔知呢，成日覺得呢d 調查好偏離現實。
諗起IT 狗嘅富三代
1個讚
係現實架啦
你眼見應該唔會見得多過人口普查
1個讚
四人家庭有兩老一少, 咁都已經拉抵哂條curve.
其實未必，只係我哋嘅圈子焗限我地睇法，證明香港貧懸殊好嚴重。
前排識人佢有長老要做大手術，私家報價一球，都要排一個月，我話香港真係多人病，呢個人話，錯，係香港太多有錢人
5個讚
其實係好多窮中產, 搵少個崩都唔掂
財務自由果班可能月薪係零, 但收股息都6位數一個月
6個讚
呢個真，其實計月薪既，番工打工仔俾到盡咪都係中產。真係有錢個堆好多都係做生意/退休人士，但調查又唔計呢d。
幾年前老細有好似扮講笑咁話香港中位數係呢個人工架咋，言下之意好似俾多左d 員工咁，所以我都幾唔鐘意呢d 調查覺得誤導。
我做freelancer, 我老闆成日話我時薪高過最低工資好多。
我心諗，你咪搵個收最低工資嘅人來做囉。
3個讚
我個陣都係咁諗，都係覺得嫌貴咪請人工低既做囉。又想揾個叻d既但又鐘意口頭上佔人便宜講到自己俾多左咁。又要馬兒好又要馬兒不吃草。
1個讚
老闆思維，永遠覺得俾多咗。
1個讚
唔鐘意還唔鐘意
誤導還誤導
香港大把藍領，最低工資多少少
或者炒散架咋
如果份調查係真既咁真係幾慘，連少過4000蚊既都咁多人，真係幻想唔到佢地點生活。
正是，我樓下買個包仔都要20蚊，我都唔明點過活。