我工人好縱仔仔，搞到仔仔好依賴。
我同工人講，佢表面ok，但佢心軟。
例如我要仔仔自己沖涼，自己抹屎，但工人都係幫佢做。我質問工人，佢就緒多藉口，咩趕時間呀，天氣凍呀。
後黎有段過渡期，我part time/辭職，親自做返教養小朋友既部分，工人只做家務，就好左一半。但工人有時都係會縱佢。
最後無用工人，就再好左，而家小朋友自己洗廁所啦。但仲要慢慢逐個習慣執返佢。
結論：用得工人就有呢個draw back。正如找老人家湊又係有draw back。
換工人係無用架，因為你工人基本上無咩大問題，換一個好可能仲差。
只能夠減輕症狀。例如儘量分開佢地（你已經做左）。
帶小朋友上下興趣班，去下親友屋企，唔好成日留係工人身邊（疫情下呢個方法難左）
最徹底既方法，係唔用工人，改用鐘點。當然呢度好多考慮，唔係人人做到。
多謝你既建議
你講得岩,佢好愛我地,所以聽到我同daddy唔開心佢就會好傷心即刻喊出黎
我見到都好心痛
我會再努力d洗腦教佢點發洩情緒
亦會試下再um下姐姐多d用解釋令佢明白
因為佢郁手時我返緊工
當日放工一返到屋企我已經罰左佢
只係第2朝出門口前再提一提佢,希望佢唔好再犯
你提出既貼紙方法都唔錯
thank you!
改變唔到工人姐姐，又改變唔到個仔，唯有改變自己心態。
佢得3歲，唔好expect 講一次，一個星期內改到，唔係叫你放棄，但明知依家個方法唔work 又令到大家唔開心，不如試吓上面嘅意見？
你淨係怪責個仔出手，試吓喺佢角度到出發睇咗成件事先，小朋友嬲起上嚟手快過理智好正常。佢明佢內疚，但第日又嬲到打人，好正常，因為得3歲，慢慢嚟慢慢教。
該主題在最後一個回覆創建後90天后自動關閉。不再允許新的回覆。