BB已經14個月，會自己睇書（睇圖片），好鍾意周圍走，又鍾意聽歌做動作，又鍾意同小動物玩。但我有一個好大嘅難題：唔知喺屋企仲有咩可以同佢做？因為佢唔係好鍾意玩玩具，有時我都覺得佢喺屋企好無聊。所以想請問大家有咩意見？超級唔該大家！
因為我見佢開始大個，想仔細啲每一日安排唔同活動，制定一個似樣少少嘅時間表，但完全唔知有咩活動可以做
如果唔係疫情的話我會話落街 
在家的話比少少障礙賽佢玩，爬下cushion。或者一齊準備嘢食，再唔係其實比佢獨處下都唔係壞事
1個讚
你講出左重點！之前我冇上嚟問，係因為可以落街
其實我冇比障礙賽佢玩，佢自己都會搵障礙黎玩，又會爬上爬落，而家扶住自己條樓梯行上行落
但我係唔係浪費緊佢時間？因為我坐喺度望住佢玩，我自己都覺得好無聊
其實小朋友自己識搵嘢玩，仲會玩得好開心，只係我哋大人成日覺得要搵嘢比佢哋做，覺得“玩”要有目的，要學到嘢。
就咁睇，你小朋友喺屋企自得其樂。
2個讚
煮飯仔砌積木果啲都得，再唔係睇你接唔接受到，開張野餐墊比佢sensory play，我小朋友15個月，比一大盤縐紙碎，幾個盒，幾隻湯殼之類，佢不黎不去可以玩半個鐘，收野仲要喊，我近期都搵緊有無其他mess free sensory play同佢一齊玩
1個讚
玩麵粉糰
自己用兩隻手指拎吓星星餅
推吓波
1個讚
接觸多啲唔同 texture，大自然的更佳，草、沙、泥、石 etc.，如果唔方便去郊外，可以買唔同 texture 地墊俾佢摸同踩，最理想係除鞋踩草。
唔介意事後清理可以買一大包動力沙，用索繩地墊，俾啲碗、匙羹、模佢可以玩到唔捨得停。
另外，俾多啲機會小朋友搖晃同轉，可以走廊裝條橫柱安千秋，或者兩個大人用張被fing 佢。
唔使怕小朋友無聊，訓練出識自娛嘅小朋友嘅媽媽係最叻同最幸福
2個讚
佢自得其樂的話又唔使特登搵嘢prompt 佢玩第樣喎。幼兒就係咁樣學嘢，等於好多小朋友睇同一本書連續睇n 次都係，佢哋透過重複去做嚟學習。
如果你話驚佢悶，扭計，所以準備定其他遊戲比佢又唔同講法… 不過最終鼓勵佢自娛係最好，媽媽又可以多啲空間，對小朋友個人發展都係好事，佢唔需要依賴其他人去have fun.
2個讚
如果有正嘢share 下，我玩緊染色長通粉之類嘅嘢，之前玩過米，執到pk，完全係整蠱自己
1個讚
係呀！我之前都諗過玩米，但一諗到要執拾嗰下，完全覺得好似攞苦嚟辛
我BB仲係好鍾意放野入口，勁多口水，佢出牙係算出得慢，唔知關唔關事，所以我未俾佢玩呢種遊戲，因為佢乜嘢都會塞入口
佢真係全日喺度行嚟行去爬來爬去，攞呢樣攞嗰樣，拍下啲小動物又追下啲小動物，又入下呢間房去吓嗰間房，咁就一日架喇，ok架？
我有俾佢親親大自然，不過佢對植物冇咩興趣，只係見到動物雀仔就好開心
佢好鍾意食星星餅，食到上晒癮，九個月大已經識自己開蓋，偷偷地坐喺度食
我平時有整開麵包，有俾佢掂過麵粉糰，不過佢好似冇乜興趣，佢只係對焗完嘅麵包好有興趣
2個讚
佢真係行嚟行去超無聊
對媽媽來講係好無聊，但係對佢來講係發展緊肌肉，就好似做緊gym咁。
我個B差唔多呢個年紀時都好鍾意行嚟行去，尤其是上落樓梯，同佢行完10次上落樓梯之後諗住帶佢去其他地方玩佢都會掹住我返去行樓梯。
對佢來講一日未征服到樓梯，就會想繼續練習。咁如果唔係媽媽覺得做咩先唔無聊呢？
1個讚
Montessori ,art eg painting
1個讚
（1）屋企有膠樽就擺幾個係地下， 碌保齡（屋企有咩波都得， 如無， 用橙
），（2）玩捉衣因（如果已識行）， （3）1條尼龍繩打結，做火車頭，繩 圍住父母及小朋友在內，輪住做車長，在家中周圈行（4）開住音樂同小朋友跳舞（5) 同小朋友講多啲嘢， 攞家中用品慢慢教， 其實最重要係陪伴， 有父母同小朋友玩，玩咩都會開心
3個讚
我大女細個，俾幾個碗仔+2隻匙羹+一堆通粉，自己𢳂來𢳂去已經可以玩半個鐘
2個讚
有好多嘢可以做，疊疊杯、入形狀、用繩穿木珠等，好多小手肌可以練習下，識行又可以踢波練大肌肉，仲有樓上講嘅messy play之類。
2個讚