請教下，咁仲有無啲穩陣方法可以帶到仔女走？
不過無一千幾百萬投資⋯
有無類似團聚咁嗰啲方法架？
如果你冇BNO，英國申請成年子女做dependent 係好難。如果你年紀唔大，有冇諗過去加拿大讀書？呢個應該暫時係最簡單可行既方法帶仔女走。
Working holiday
唔該兩位先…
我情況係，我想帶對小朋友走
不過前妻唔同意，咁最多18歲後先比到我帶
我就擔心其實如果我真係過左去先
第二時佢哋想過去既話，其實有無幫助
你自己其實已經係BC 定係打算用BNO Visa 帶小朋友走？小朋友又幾多歲？同埋小朋友意願如何？我覺得以上幾點都影響部署。
唔好意思，我係問得唔詳細資料。
其實我只係得BNO，為左啲小朋友同自已
其實就算辛苦啲都想離開到
不過由於前妻都仲未肯，所以都係繼續試緊
我大嗰個年中就14歲，我如果今年過去，細嗰個係我拎到英藉前都未夠18，但係大嗰個已經過左
我自己就想知如果佢哋過左18係唔係無乜方法過去的
如果我過去先，佢哋過去機會大啲，咁我打算積極諗過左去拎到先，不過如果跟本無幫助，我自己都真係要好好思考下有無其他方法
唔好意思呀，好多野無講太明白，好多謝幾位都肯答我
1個讚
小朋友自己意願呢？ 有冇同小朋友傾過？
如果小朋友都想走，咁其實可唔可以再同前妻傾下？如果前妻唔肯，你又等唔等到到細嗰個滿18 歲先同佢地一齊申請？如果大嗰個係97 年7 月1 日後出世，就算過左18 歲，都仍然能夠同父母一齊申請，暫時官網亦冇講過話要有highly dependency 既證明先得。當然，你自己都要睇住時間，始終冇人敢保證BNO Visa 幾時會完。
如果小朋友其實都唔想走，咁我覺得你就暫時唔好搞住。
大嗰個都想走，當然無我咁緊張，細嗰個就一般般
我都有諗等埋佢哋18歲
不過細嗰個要多7年幾，我估英國嗰計劃都唔會長期開住等埋我哋，始終呢啲救生艇計劃黎
而我都一路keep住傾，我都係想兩個細既過去當讀幾年書，之後想㨂邊度生活我都無乜所謂，最慘係驚到時環境唔掂想走都無得㨂
而對方諗法唔同，我估係覺得都未殺到埋身，所以都係唔想改變，其實都盡量keep住傾，不過我自己想為佢哋搵下有無多一兩條出路