唔好意思, 我想講男女感情, 唔知係咪入錯谷, 但有個經歷真係令我好心痛。我好辛苦, 好想搵個地方分享, 我想抒發下。
6年前, 有個識左10幾年既男仔追我幾個月, 突然一日, 佢消失左, 無再搵我, 我當年有message問佢咩事, 佢話自己未ready…
之後, 我遇到另一個男仔拍拖結婚… 直到上年我地婚姻出左問題, 開始分居…
無獨有偶, 依段時間係街撞返依個男性朋友, 又打開返話匣… 佢知道我自己搬出黎, 知道我婚姻情況, 佢話佢有後悔當年就咁走左佢, 佢想同我一齊, 但當時佢自信唔夠… 我認為佢今次真係認真, 而我一向都係鍾意佢既, 所以我無拒絕佢對我好, 追求我既行為, 我都好想同佢一齊, 我以為我地緣份真係咁深, 可以有第二次機會重新開始。但礙於我未正式簽紙離婚, 我心裡面有種唔好意思既感覺, 所以我無正式同佢開始拍拖, 只係曖昧, 但我心裡面有佢, 係唸住辦好手續就同佢一齊。
可惜未夠一年, 個男仔第二次離開我, 變得冷淡, 問佢咩事, 話想自己冷靜下, 唸下… 直到一日我真係已經頂唔住要佢講清楚, 佢就話覺得自己俾唔到將來我… 但無交代詳細, 即使我同佢講我同老公已經通知左律師開始緊簽紙程序, 依個男仔都係無動於衷… message 已讀不回, 我覺得自己真係好傻。
另一方面其實我好心痛, 我同佢相識18年, 對我黎講拍唔成拖唔係大問題, 唔想拍咪交代一句已經可以, 唔需要已讀不回咁討厭… 好無風度。
同埋, 點解可以無情到連10幾年既友誼都唔要? 我真係好心痛…成心好似碎左咁…我俾佢傷害兩次
