【洪門宴冇掃安心出行 朱偉星：商台煽動仇恨】
港台主持楊子矜被染出假陽性，為她採樣的醫生丈夫朱偉星在881晴朗直認出席洪門宴時冇掃安心出行，亦無出示接種證明，反指商台過去兩年煽動仇恨。
主持：你冇掃安心出行？
朱：完全睇唔到安心出行，侍應又顧住招呼客人。
主持：咁有冇人查針紙？
朱：邀請函有提人打疫苗。
主持：執行上呢？
朱：除了酒店同馬會嗰啲，茶餐廳有冇 check針紙吖 ？我8點幾去到，係咪之前check夠三分二呢，你哋成個禮拜聚焦洪維民生日會係miss the point，大家應該講防疫政策。
主持：宴會係要check針紙。
朱：老實講，一定唔止洪維民，我有朋友個細妹嗰晚結婚，係咪所有宴會都check曬。
主持：理應要check。
朱：理應要check係一件事，就算三分二人check曬，只要一位王小姐唔知自己確診都會傳染。
主持：係有呢個風險，但條例定咗都要跟。
朱：哦，你地咁守法㗎？
主持：吓？
朱：我唔係好知道呀， 商台過去兩年都唔係好鼓勵大家守法加嘛。
主持：你講清楚啲。
朱：你覺得唔想講我咪唔講囉。
主持：請你講埋先。
朱：我從來冇接受商台訪問亦唔聽好多年，你哋散播全部係仇恨，你哋而家都係，我接受呢個訪問可能係錯。
主持：今日明報都講緊衛生署話周末有漏網之魚。
朱：好有趣，張敬軒演唱會又唔講，唔緊要啦，你哋提大家守法同執法係啱，但不停響度提係咪真係有用呢，不如諗點樣幫香港人。
主持：兩者冇衝突，定你想淡化件事？
朱：我冇想淡化，我自己經歷呢個禮拜，我聽到不停打人式的方法，我覺得好厭煩。
然後話安心出行冇大陸健康碼咁有效，冇得上傳資料又有人用兩部手機，要勞煩市民好主動去掃，總之千錯萬錯佢冇掃碼冇出示針卡就冇錯。
有背景睇黎真係講乜都得…
