本來呢大半年都係我湊開小朋友
佢都已經好習慣我帶佢周圍玩同返放學
不過我地年頭請既姐姐到左喇
本來份工我請左好耐假 終於都要返返工
上星期我就同小朋友講定
媽咪要返工喇 以後由姐姐帶你返放學
果下佢都無咩野
係新年假期後返學同興趣班
佢都有啲唔開心咁
今日返興趣班仲係咁扭計叫媽咪
其實我都好唔捨得…
但又有咩可以做 令佢無咁唔開心呢？
1個讚
過渡性，要捱過，好快無事
2個讚
其實真係無咩可做，係要佢習慣
小朋友唔捨得係正常，每日都同佢講媽媽放工會第一時間返屋企，有本繪本叫「媽媽上班的時候會想我嗎？」，可以同佢一齊睇，一邊講一邊解釋，總有一天佢會明白，加油
1個讚
- 晚晚都陪佢傾下計，氹下佢，表示明白佢掛住媽媽會唔開心，媽媽都一樣會掛住佢。
- 理性同佢講下點解要返工，洗腦式等佢明白。
- 久唔久「獎勵」下佢，陪佢去邊到玩。
媽媽可以比啲信物佢，例如匙扣之類，喺媽媽返工時如果佢掛住媽媽都可以拎出黎睇下
小朋友通常好快適應，唔洗太擔心，最緊要你放工後陪佢嘅時間優質啲（即係唔係㩒住電話傾偈咁），唔會令佢覺得你一返工就冇咗同你溝通嘅時間。