大家有冇上網買餸？
我淨係知道HKTVmall，見到佢急凍三文魚柳價錢唔貴。
但係佢啲菜好似貴貴地
你哋有冇其他推介呀？
另外如果屋企貯糧，蔬菜方面你哋會買乜嘢？
菜我通常都係叫老公收工買，網上買又貴又冇得揀
椰菜，旺菜，西蘭花（我通常買長柄西蘭花又叫蘭花台），娃娃菜呢d放成個星期都得
用廚紙包好放雪櫃菜格
菜真係難D, 瓜果D就擺到幾日, 葉菜類最多都係3,4日(娃娃菜好D)
襟擺我就會買D冰鮮嘢加氣炸嘢喺雪櫃囉
知道惠康，food panda都有買餸服務。
之前朋友介紹join咗個wts group可以幫人買餸, 自己都試過一兩次, 新鮮程度同質素都有75分, 同埋佢包裝得幾好
百佳有隻急凍菠菜，解凍後口感都OK
或者自己用菠菜煮熟佢，吱埋一舊雪藏處理
可唔可以share Wtspp link? 佢有冇限咩地區架？
惠康不可以幫襯呀
未試過急凍菠菜，好似幾正咁喎
之前我買急凍三色豆，食到怕
另外我都有自己整急凍粟米粒，不過葉菜正好多
疫情開始有上網買餸，試過whatsapp group，同試過一間叫賣菜仔網頁，亦都試過一間專買啲冰咗嘅現成餸，始終想減少外出。
優點係自己喺屋企㩒下制就可以送嚟，一次過買幾日，慳水慳力慳時間。
缺點價錢會貴過自己去街市、同埋送到嚟先會知邊樣無貨（可能會失預算）、有min金額。
做咩要咁睇唔開 
開始疫情冇耐要儲糧嗰陣時，冇研究咁多嘢嘛
我平時一個星期先去街市買一次餸, 通常星期一至五會煮飯, 星期六日出街食/叫外賣. 其實好多蔬菜都可以放5日以上(星期日嘅餸到星期五都仲新鮮), 同埋煮嘅次序都好重要.
星期一二食多葉類蔬菜(菜心, 菠菜, 生菜, 豆苗 - 呢啲放多過2日開始變黃或爛 - 一定要揀嘅夠乾身嘅嚟買, 洗完浸一陣水就好快變番靚仔, 唔好買啲多水氣嘅菜, 好快霉)
星期三四食荷蘭豆, 韭菜花, 三色椒, 椰菜花
星期五食可以放最耐嘅瓜類 (節瓜, 佛手瓜, 翠玉瓜, 南瓜, 番茄, 薯仔)
越買越貴，疫前$25 有1kg 
https://hk.iherb.com/pr/peakfresh-usa-produce-bags-with-twist-ties-reusable-10-bags/44160
用呢隻保鮮袋，啲菜可以擺得耐啲，我買西蘭花椰菜花擺四五日都OK
我就咁買
第一二日食 菜心 白菜 之類新鮮菜
第三日 西蘭花 椰菜花 茄子 之類
第四五日 節瓜 翠肉瓜 之類
咁肉就定 急凍豬扒 雞扒 魚手指 牛扒
其實三色豆係急凍菜中最最最難食嘅
可以試下買急凍波菜，西蘭花，日式野菜(西蘭花+甘筍+椰菜花) 會好食好多
不過可能得aeon 同馬沙有賣
再唔係就買乾海帶
煮麵 滾湯 涼拌都得
方便又快捷 保存期長又唔使雪
去 AEON 睇睇，有隻豆苗係連根嘅，俾你自己種多次
不過種多次其實生得好幼
小棠菜好好擺
放雪櫃四五日後見佢殘殘地，點知浸返水即刻靚仔曬
豆苗菜心西芹都好擺
去街市菜檔買乾身啲的，包張廚紙再放入雪櫃就得（惟一麻煩係雪櫃太凍會雪壞啲菜）