1-6歲都教過，有咩問題盡量答
4個讚
免費幼稚園、私校幼稚園的老師有無分別？
兩者半日都係是三小時，私校教多咁多知識？
名幼鍾意咩類型既小朋友？
有兩條問題得唔得 
如果想送少少心意比班主任老師，送咩最合適同唔會做壞規矩？
定係唔送最好？
點睇幫幼兒上門補習嘅私人老師？見過一個上門嘅一個鐘都可以接近一千，真係嚇親。係咪真係有需要？
免費幼稚園同埋私校幼稚園絕大部份老師都有幼稚園教育證書（CE）或以上資格，入職要求基本上差唔多的，不過有部份私立幼稚園為求賺多啲錢，寫到明係歡迎應屆畢業生，而果啲老師有冇足夠能力應付班上的突發情況就真係好睇彩數。當然都有好多名幼係好重視老師嘅資歷。
大部份免費幼稚園全校只得兩三個外籍老師，每日響指定時間入唔同課室教英文，而私校幼稚園好多都係每班都有一個外籍老師，不過值得留意嘅係私立幼稚園的外籍老師/普通話老師不一定讀過幼兒相關的課程，所以識唔識運用一啲小技巧去教小朋友都有少少睇間學校有冇良好嘅管理同埋睇吓管理層有冇定期監察課程。
至於私校教得比較深呢個問題，有啲私校佢本身好有系統教學，能夠循序漸進令到小朋友學深啲，同時都有一啲私校單純為咗迎合社會風氣，教得好深好離地，但係有冇好好嘅方法令到小朋友學到，呢個時候就要靠本身老師有冇額外方法，或者額外加入一啲活動令到小朋友學得到
另外都想補充多少少，學術教得深嘅學校好多時候都犧牲咗小朋友嘅體能時間同埋音樂時間，而呢一樣嘢亦都未必會響比家長知道嘅時間表嗰度睇到
5個讚
免費幼稚園同埋私校幼稚園絕大部份老師都有幼稚園教育證書（CE）或以上資格，入職要求基本上差唔多的，不過有部份私立幼稚園為求賺多啲錢，寫到明係歡迎應屆畢業生，而果啲老師有冇足夠能力應付班上的突發情況就真係好睇彩數。當然都有好多名幼係好重視老師嘅資歷。
大部份免費幼稚園全校只得兩三個外籍老師，每日響指定時間入唔同課室教英文，而私校幼稚園好多都係每班都有一個外籍老師，不過值得留意嘅係私立幼稚園的外籍老師/普通話老師不一定讀過幼兒相關的課程，所以識唔識運用一啲小技巧去教小朋友都有少少睇間學校有冇良好嘅管理同埋睇吓管理層有冇定期監察課程。
至於私校教得比較深呢個問題，有啲私校佢本身好有系統教學，能夠循序漸進令到小朋友學深啲，同時都有一啲私校單純為咗迎合社會風氣，教得好深好離地，但係有冇好好嘅方法令到小朋友學到，呢個時候就要靠本身老師有冇額外方法，或者額外加入一啲活動令到小朋友學得到
另外都想補充多少少，學術教得深嘅學校好多時候都犧牲咗小朋友嘅體能時間同埋音樂時間，而呢一樣嘢亦都未必會響比家長知道嘅時間表嗰度睇到
1個讚
呢個問題同問大部份家長想要咩小朋友一樣
送禮物個話呢
如果係有價值嘅話，好多都要同學校申報同埋有啲學校係唔收得，始終都涉及到公平的問題
所以如果真係送嘅話通常都係家長會自己自製花，再加上心意卡或者同小朋友嘅合照，咁樣老師先收得
不過其實簡簡單單有陣時同完老師影完合照曬返張相出嚟，老師收到已經好開心
至於你話上門一對一嘅價錢，我就唔特別評論，老師事前準備、購買教材，同埋上門搭車都需要時間、車費，同埋一對一係需要準備好多嘢，尤其咁細嘅小朋友佢哋專注力好短，要好豐富好大量嘅教材、遊戲先令到佢哋唔悶，教小學生你可能印一份練習俾佢佢自己都會自動自覺做，但係教細嘅小朋友要佢哋坐定定都有佢嘅難處響度
5個讚
小朋友而家就黎4歲，想問有咩方法建議點樣培養小朋友耐性同埋主動性？
Thank u!!
睇番第二個問題我表達得唔係幾好，希望冇冒犯到你 
同埋八卦想知道，老師覺得邊類型學生最棘手？
想問考幼稚園揀學生多/家長多?
靜+慢熱既小朋友係咪真係輸蝕啲? 其實好多我覺得好曳既小朋友都考學校考得幾好 
每一間幼稚園嘅評分準則都唔一樣，有啲係考認知發展、語言發展，每場面試亦都會有指定的評分環節，要視乎小朋友表現去比分，通常一啲屋村學校如果家長唔係答得太Hea或者響面試等候期間表現不滿嘅話都唔會點樣扣分。
某些名幼神校就會睇家長背景~
影響小朋友耐性同埋主動性嘅因素有好多
譬如平時小朋友未開聲，大人就已經做曬所有嘢，咁小朋友咪會習慣咗咩都唔做
所以有陣時大人都要建立一個習慣俾多啲任務俾小朋友，或者等小朋友主動開口提出先比
券幼考一線直私係咪好難？考直私，你認為小朋友能力，家長栽培同學校栽培各佔幾大比重？
學校有自己日程，唔會有時間特別教面試嘅野，都係要靠家長或外補
該主題在最後一個回覆創建後90天后自動關閉。不再允許新的回覆。