呢個話題係比較沉重同埋負面, 但我想睇吓會唔會咁岩有人有破產既經驗可以分享下。
幾年前, 我幫佢同銀行借左幾十萬去還債, 咁每個月佢要還$10000 畀我, 因為佢申請左破產, 而家都未知破產官點樣判, 唔知破產官需唔需要佢係份糧度拎錢出黎還畀債主, 咁我初初諗住離婚協議書度寫住佢爭我錢, 要每個月還幾多, 還到幾時, 但諗諗吓, 我寫左, 如果佢之後UPDATE 返佢離左婚畀破產官知, 咁破產官知道佢有錢還畀我, 就有機會係呢度抽返啲錢還畀其他債主。咁之後我就諗住不如寫$10000 係仔仔既生活費, 計到去18 歲既錢黎既, 我問左律師, 佢話你都係想拎返啲錢, 咁可以攤開寫話, 衰人畀贍養費, 每個月$2000, 當畀5 年咁樣, 咁拎返舊錢就好!! 但個衰人就話, 呢啲嘢都要破產官睇返合唔合理先知道佢可唔可以一個月還$10000 畀我, 即係個破產官覺得佢每個月畀$10000 生活費唔合理, 就有可能唔批佢呢筆生活費, 可能會批返少啲, 想問吓, 有無人試過破產, 而報數個度會唔會好嚴?? $10000 照顧一個小學生好唔合理咩?
首先, 破產令頒左未? 做破產查冊80蚊可以CHECK到
判令其實只係法庭頒令破產, 點還要睇OFFICIAL RECEIVER 有幾多CREDITORS , 你有無文件證明你係CREDITORS之一, 就算有都有分LOAN/CHARGE嘅級別, FIXED, FLOATING…
離婚比仔女生活費係會睇返婚姻期內究竟仔女生活費係要幾錢, 某程度上係"維持", 並不是"UPGRADE", 有份表格E 要填, 你要比到PROOF 仔女駛費係咪要$10000(或更多)一個月, 而且呢10000係佢比開, 繼續比係合理
3個讚