尋日叱吒講開好多singers 都離開tvb，今朝又見到類似消息～～ 不過今次係主持～
東張西望｜林希靈突然離巢TVB！32歲「正義女神」：而家得閒，幕前工作歡迎搵我
Jan 1 2022
「正義女神」林希靈突然在2021年最後一日宣布離巢TVB，令不少網民都太感錯愕！巧合地日另一位《東張》主持黃愷怡亦都宣布離開TVB，2022年都未到《東張西望》就少咁兩個女神，加埋早前離巢嘅黃穎君，一個月痛失3名主持！
撰文：東方新地丨圖片：《東張西望》節目截圖，連登丨資料：TVB《東張西望》截圖，連登、香港討論區、藝人IG｜部份內容：新假期周刊
林希靈宣布離巢TVB！
早前因為《東張西望》的「聾啞女」美華事件而一夜爆紅，更因為直斥女保安「你咁樣好冇人性喎！」林希靈更獲得「正義女神」之稱。但當大家以為她在TVB正值上位之際，她卻在2021年最後一日突然在IG宣布離開TVB：
多謝東張各位兄弟姊妹，我地就好似家人一樣每日並肩作戰，一齊出盡全力去做訪問，衝擊嘅日子，我一定會好好記住係心入面，呢段日子一定會係我人生入面其中一段最深刻嘅回憶。最唔捨得就係你地啦！
黎緊我會努力做好自己嘅食品品牌「口張開」。我地已經開始賣年糕啦，全人手製造絕無添加，大家支持下啦
另一方面，林希靈亦透露自己會專心經營自家食品品牌，仲透露而家得閒，可以隨時搵佢開工咁話！不過都有唔少網民建議林希靈過ViuTV，因為佢男友陳安立都喺嗰邊！
林希靈在2021年12月31日正式離巢TVB。（圖片來源：IG@lamheiling）
林希靈話：「最最最最最後， 我而家得閒啦，隨時ready開工，各位有幕前工作歡迎搵我啊」（圖片來源：IG@lamheiling）
2019年加入《東張西望》嘅黃愷怡因為同年五月到香港中文大學採訪內地遊客而打響名堂，當時都有網民稱她為「正義女神」，豈料她在2021年除夕當晚卻突然宣布離巢TVB，與《東張》新晉「正義女神」林希靈同日離巢。
