經血好多，次次來m都好虛咁，番唔到工，有解決方法？
有冇諗過食避孕丸？
或者睇醫生？
有低劑量嘅
貴少少，但應該冇咁大副作用
有無睇醫生，中醫個啲？
1個讚
睇左醫生 照照超聲波先
排除左嚴重嘅病再諗啦
我都係經血多，仲會痛到嘔
中藥我一飲就嘔
西醫就叫食避孕藥
話就算對多血同痛冇用都好
至少可以計到幾時到 仲可以輕輕控制遲/早一兩日
避孕藥嘅副作用就睇你同佢夾唔夾
唔夾就試第二隻 試到夾 唔使急
1個讚
我試過流量多，睇中醫調理身體，可以減少經血流量，
我都流量勁多,但無痛,果幾日仲行得走得
我流量多，之後仲唔識停，去照左係肌瘤，依家食緊中藥
睇婦科檢查下，
血流得多面色差，身體唔好，女人要養血。
1個讚
睇西醫，好似有止血丸食
請問你有沒有打針針，我有幾個朋友打完都有這情況，徐若萱也是
如果是，請看中醫調理，祝福早日康復
1個讚
建議先做詳細婦科檢查，特別係照下子宮、做Ps 抹片。
如果可以就中醫調理身子
可以考慮做針灸減少經血
近排都好似有另外個post講經血多，你可以搵下。
經血多有好多原因，一定要睇醫生先，因為長遠都會影響其他地方，我建議先睇西醫去做曬檢查（會照、做抹片、抽血），搵到原因先決定要點醫，到時有需要先去睇中醫。
利申：我自己都有經血多問題，做咗好多檢查，幸好沒搵唔到咩病理性嘅嘢，所以現在係食止血丸解決。
我由細到大都經血多 用棉條最勁嗰隻頭兩日每兩小時換一次 但無m痛 但間中頭痛下咁
半年前抽血做body check先知自己貧血
西醫開左止血丸 同 鐵丸
佢話經血多係唔正常 最好照埋子宮睇下有冇事
建議 要睇醫生
最勁時個半鐘要換一次M巾，不過照過子宮又冇乜特別，醫生都係就咁開止血丸
應該先睇醫生
經血過多過長，可以係衰野，check左先對症下藥
我先後有2個朋友十係咁，到面前現實去睇醫生時已經太遲
如果已經check曬無事 我覺得食避孕丸係一個好既選擇
樓主一定要去做婦科檢查先!
我係近幾年先經血多，去做檢查發現係子宮肌瘤好多引致，要定期觀察住，太大要做手術切除
因為經血太多搞到貧血，醫生開止血丸俾我，我又飲下鐵水
中醫睇左 幫助不大哦
中醫要試幾個月先知夾唔夾，同埋就算夾都要半年先真係會見效
不過做曬婦科檢查先再調理啦
平時生活作息點啊？有冇做運動？ 呢d都好有影響架