如題
歡迎各位已移民或準備移民嘅朋友分享下移民前你認為必要去一次嘅香港地方或必要食多次嘅食物。
我自己趁仲喺香港，已經盡量逐個地方去下，雖然喺香港生活左3x年，但原來有好多地方仲未踏足過或好耐冇去過，例如大澳，對上一次去已經係中學時期，我會想離開香港前再去一次。仲有坪洲，都係十幾年冇去過。
而食物方面，我會盡可能去撐良心嘅店舖，臨飛前，我應該會再喪食菠蘿油，蛋撻，同飲港式奶茶。
你地呢？又有咩地方想去？有咩野想食？
4個讚
橙色滷味，香港以外都好難見到，自己又整唔到
茶餐廳沙嗲牛肉、潮州魚蛋粉
反而奶茶可以試下自己衝
去多啲細個讀書時成日去既地方啦
所有亞洲食物，睇下移去邊，有d 地方點心隨時好味過喺香港。
我自己會揀打冷、小炒、酸辣粉。
4個讚
日本野食，特別係壽司和甜品
1個讚
茶餐廳，buffet，日本野（一定係幫襯黃店）
過到黎後發過好幾次夢去食銅鑼灣既around Wellington, 唔係真係好出色，但走之前差唔多個個禮拜去食，鍾意坐喺窗邊對住出面，好舒服。
車仔麵、打冷、掃街（炸大腸、橙色滷味、撈撈
）
其實都睇你自己喜好、同移去邊，記得去入果海外美食group
片皮鴨
日式放題/壽司
Shabu shabu
烤肉（日式/韓式）
黃店茶餐廳
飲返杯熱鴛鴦
我自己好鍾意赤柱，離港前都去咗一次
1個讚
刺身、港式奶茶、凍檸茶
腸粉、沙爹牛肉麵、章魚燒
大埔 老馮茶居：所有點心
麥文記：雲吞麵、炸醬麵
澳洲牛奶公司：熱奶茶
深井裕記：燒鵝
生記：及第粥
Ruby Tuesday：燒豬仔骨
太安樓 魚蛋佬：沙爹魚蛋、牛柏葉
筲箕灣 低調高手：雞蛋仔、格仔餅
大埔墟街市 東記：炸豬扒雞翼麵
仲有⋯⋯ 蛇羹、糯米飯、豆腐花、煎釀三寶
2個讚
新鮮蛋撻、波蘿包、中式飽點、乾炒牛河、格仔餅、糖水舖、西多士……
我寧願唔食都唔會食藍店
6個讚
我見蛇王二店長有舊班底開返，我打算去
1個讚
我會揀食中式食品。
屋企食多啲薑蔥清蒸魚， 以後未必咁方便日日買到新鮮魚，游水魚更加無可能。
將會係北部都會區嘅郊野地方，有得去好去，以後就算有機會返來都面目全非。
7個讚
我住嘅地方反而不乏海鮮（新鮮、游水都有）
但我最掛住好多蔬菜、生果 同果D 魚蛋燒賣
但係薑蔥豆豉之類唔係咁易買，同埋唔會日日摣車去買餸，雪咗幾日嘅魚蒸係無咁好食，多數要煎或者焗，deep fried 嘢我食一啖已經唔掂喉嚨痛，講少左一樣野，係涼茶，五花茶，廿四味之類嘅輕中藥，去到嗰邊都唔係咁易買到，同埋應該幾貴。
香港生活嘅方便好難取代，我收工六點去街市，仲可以買到游水魚，5分鐘行返屋企，落鑊蒸。
2個讚
海鮮我就可以日日買，超市又乾淨又新鮮，我國家都出名海鮮
我附近有幾間中超，仲有可以上網order ( 好多中超可以寄），而家香港直頭有舖可以寄參茸海味
豆豉買1 次有排食，薑蔥自己種都易
你住落就識搵食
歐洲港人group 大把教路
英美澳加直頭唔洗煩，除非你唔熟
我過去現在分別住3 個唔同時期、唔同國家，有心係一定搵到
5個讚
食個回憶乜都好食⋯⋯
.
.
.
.
.
事實超難食
2個讚