想問下大家意見，我有兩個小朋友，一個歲幾，一個4歲幾，我同老公都冇BNO，所以諗住我去澳洲讀兩年diploma申請485移民，但我老公同小朋友唔會一齊去，因為我拎緊學生簽時我d小朋友係當地讀書冇得免費，我哋負擔唔到。所以想等到我拎到485簽證先申請佢哋過嚟，拎485簽小朋友就可以免費讀書。
依家問題係小朋友平時係我全職湊開，如果我去左讀書就係我奶奶全職湊，我好驚奶奶會搞唔掂，因為平時佢間唔中黎湊一日都要同我老爺一齊黎湊，佢話一個搞唔掂兩個，但我老爺平時要返工，如果到時奶奶全職湊就冇可能日日一齊湊，何況平時湊只係屋企同小朋友玩下，換下片餵下飯咁，全職湊就要理埋返學，做功課，返興趣班，覆診，買餸煮飯等等。
另一方面我都好唔捨得離開小朋友兩年，兩年可以發生好多事，我唔知兩年佢地冇媽咪會點。。。
但一諗起香港教育咁，我又真係好想佢地可以走，所以我真係好矛盾，大家可唔可以俾下意見我 
1個讚
有冇諗過去加拿大讀書？HK Pathway Stream A
以我理解小朋友跟你過去，讀中、小學都唔洗錢
1個讚
暫時只會考慮澳洲，因為我同老公之前係澳洲住過幾年，熟悉當地，同埋有親戚係果邊有照應
1個讚
請工人？
奶奶咁講，其實即係佢唔ok喎，有冇請姐姐？ 或者老爺會唔會願意唔返工幫你湊2個小朋友？呢件事要成事，好需要全家人既支持!
同埋老公平時有冇幫手跟功課、學校既野？呢d始終老爺奶奶未必會跟得好好？
但最重要係要放低小朋友2年，你自己真係要諗清楚，特別係細果個，2歲到4歲已經爭好遠 
1個讚
屋企冇位俾工人訓，同埋得老公一個搵錢，請工人負擔好大
其實都未同老爺奶奶傾，諗住自己諗清楚先，老公平時只係放工幫手做下家務咁，小朋友學校d野全部我自己跟，同埋我大果個下年揀小學，我都驚佢哋搞唔掂 
我唔係從移民角度睇，係從育兒角度睇，你呢個計劃係唔work嘅。
奶奶肯定搞唔掂，老爺都唔可能長期幫手，一打二咁細嘅小朋友，媽媽都未必搞得掂，長老一定唔得。
你老公無跟開小朋友啲嘢，到時一定hea做，長老亦跟唔到。到時小朋友嘅教育一定受影響，你會睇唔過眼，但喺海外又咩都做唔到，實同老公嘈爆。
9個讚
揀小學又唔需要太擔心既，你都諗住遲d過澳洲啦
反而係日常生活上既安排要同老爺奶奶傾左先有得再諗，呢d野你自己一個諗都唔會有進展 
如果係，你諗住幾時去澳洲？宜家開始比老公跟返多d學校既野？
你讀書每星期要返幾多個鐘學？你帶細果個小朋友過去又得唔得？
或者娘家有冇人可以幫手？一邊湊一個？
我就係擔心咁
你讀兩年再申請485，而家批visa慢咗好多，起碼預12個月，咁即係要分開3年
我諗住下年6-7月過去，帶細果個過去唔可行呀，我要返學既時間冇人湊，果邊親戚都要返工，我爸年紀大幫唔到，我媽要返工，得老爺奶奶幫到手，定係繼續留係香港算，等佢地大個自己搵機會走 
小朋友咁細，你仲要同老公分開兩年，老公又無跟開小朋友嘢（我假設佢唔鐘意做呢樣嘢），到時佢被迫做，又做得唔好，你會埋怨佢，夫妻關係會有好大挑戰。
2個讚
我舊同事用呢個方法，佢去讀書，一個帶住兩個讀小學嘅小朋友過咗加拿大，老公留港
1個讚
調返轉掟你老公過去，你出嚟返工頂呢兩年得唔得？
要考ielts6分先申請到485，佢英文唔得
咁即係要分開3年半，真係要再諗諗
所以其實我覺得去加拿大會可行d，可以全家一齊過去
但樓主話因為住過澳洲，熟悉當地，有親戚係澳洲所以暫時只會考慮澳洲
(我個人覺得有冇親戚都唔係真係好重要(除非親戚有地方比你住/有好多資源support你)，唔通有bno樓主都唔去英國，而去澳洲？
而且因為住過同有親戚呢2點就要解決同全家分開3年+香港小朋友冇人搞就掂呢2大問題，我覺得去加拿大問題少dd
7個讚
澳洲小學5歲先入學，你個大要俾1-2年學費，個細唔入kinder都可以，因為唔係強制入kinder! 或者你讀唔讀到上去master or PhD? 好多州讀master or PhD嘅話小朋友唔洗俾學費，老公仲可以做full time job！
1個讚