哎呀，對唔住，我怕個post令你哋難受，深感對不起
不過大個咗，珍惜自己擁有嘅就夠了就好叻了
唔好太介意過去。過去冇得改變，但將來有
5個讚
我都唔舒服左一下
不過我嘅學習生涯遇過好多有心嘅老師。
另外你有冇諗過係個學生自己有特別原因而冇比到老師，丟落鐵籠？
我覺得大家都好想分享，你係提供左個平台，唔使覺得抱歉。
小學嘅時候因為我比較遲熟，唔識打扮又遲發育好矮，係會比其他早熟嘅女仔睇唔起。
小六畢業前係一個要換衫嘅場合，我關房門叫啲女仔唔好再放男仔入黎(嗰陣佢哋已經同異性有relationship)，然後佢哋就一齊話我『人地要睇都唔睇你啦！』再一輪取笑。
雖然我知佢哋呢番係童言，不過到今時今日我都依然覺得自己唔吸引，中學青春期就算幾自戀都掩蓋唔到內心嘅自卑，有幾多人讚我都冇乜感覺，甚至啲人以為我扮嘢懶係謙虛咁。
2個讚
似乎你有一個刻難的童年, 不過好消息係你已經大個, 已經係一個自主的人,唔需要再睇面色啦!
(抱一抱1X年前的您)
其實今天我已經諗通啦, 有可能你老師大頭蝦將所有紙放一堆無為意, 又有可能個老師個排心情唔好, 雖然無良心(笑)係真, 但就唔係刻意羞辱同學.
老師都係人, 有時都想靜一靜鬆一鬆. 自己返工有時都會hea一下啦.
所有事過去啦～
依家你生活如何？
仲有無同屋企人聯絡？
1個讚
係，就算我中小學算係品學兼優，但我由細到大都無被佢哋開口讚過鼓勵過，個人好無自信
1個讚
中學個時我暗戀個男仔，好似當時個朋友提議咗d乜嘢，我跟住做，最後搞到好難睇。我淨係記得當時個朋友同我講“我唔知呀，唔關我事”，自個時之後我就知最後決定權係自己度，你聽人9up做錯事，負責嘅只係自己。
3個讚
- 小學時比狗追過，所以到而家成50歲人都驚狗。
- 細時個個都話細妹靚，形成我覺得自己唔靚，但越大越多人話我都唔係太差，自信心慢慢升返上去。
- 細時屋企無錢，成日食唔飽，到大個可以自己揾錢都比較慳同埋儲錢。
1個讚
嚴格上仲未完全過去
我兩老先後患cancer走咗，呀哥結咗婚搬咗出去住，所以淨返我同嗰隻生物一齊住緊兩老留畀我哋間屋
我呀媽2年前過身，嗰陣要留喺屋企照顧佢
佢過咗身之後嗰1年都冇辦法諗其他嘢，嗰段時間好似發緊夢咁，我啱啱搵返啲相先發現原來只不過係2年前嘅事，體感上以為係更加耐之前
之後都有考慮過好唔好搬去男朋友度住，但係佢屋企成日好多人上去食飯，我又已經好多年都冇見過佢屋企人，好難突然話想搬過去住，所以都仲諗緊
而父母嗰兩邊啲親戚自我兩老過身之後就冇聯絡過，因為兩邊啲親戚都係仆街嚟，兩老生緊cancer嗰陣就話要保持聯絡，而家人都唔喺度，我已經再冇理由同佢哋來往
2個讚
好好保重
唔關童年事，係近年發生，身邊有位朋友好叻做人都好成功，有一次食食吓野佢突然問我：你有冇諗過將來點？我笑笑口話冇諗啊⋯⋯
唔知點解，之後即刻衝入廁所喊，嗰刻真係好似瞓醒咗、比人當頭棒喝一樣，突然發現自己人到中年人生原來咁不濟。
3個讚
我第一眼仲以為你朋友想SELL基金保險
4個讚
我都覺得好似
小學咋喎
佢有乜咁成功？
講真，我個人真係ok 的hea
定係人大咗，物慾都少埋
細個時曾經有財仔嚟屋企追數, 雖然唔係我應門, 但跟住我都唔太敢開門…
驚到有次親戚幾個朋友嚟我屋企幫我地裝修, 我事前知道佢地會嚟, 佢地係咁敲門我都唔敢開, 匿入房扮瞓
到大個咗, 年初一去團拜, 慣性一開門就大叫"恭喜發財", 我一開門講完"恭喜發財"有個人入咗嚟, 但竟然係個唔識嘅道友入嚟乞利是, 當刻全場呆曬, 個道友仲要趕極都唔肯走…
自此, 我唔敢再開門 (睇到出面的除外)
1個讚
抱抱… 雖然唔完全一樣，但有類似感受。
我和父母關係本來好好，但背後有d長期問題終於爆左，我就開始避我父母。我老公唔明，會成日叫我探佢地。
老公想做和事佬，但我成日唔配合，做到佢發脾氣，話點解佢要負責埋我家事。我回佢，我無叫過你做，係你自己攬上身，不如你唔好理我屋企啦。無謂因為我父母關係搞壞埋夫妻關係。
於是我send個msg俾父母，大意係唔洗再搵我，亦唔需要經我老公搵我，我唔會聽老公講。我俾呢個msg老公睇，證明我和父母既關係無得救，等佢放棄。我亦同佢講，唔好同我講我父母既話題目，我全部唔會聽，一講即cut線。
於是老公無再為此和我嘈。雖然耐唔耐都會同我講父母好話，但佢一講，我就會即刻走開，最後佢終於放棄左
2個讚
哈哈哈，如果真係sell保險我起碼都識應對，點知真係真心擔心我將來…
2個讚
朋友係好硬淨、做人好有目標、冇父幹靠自己白手興家，我好佩服佢嘅。我就剛好相反，抗壓性好低，一有壓力就身體出問題，搞到自己唔hea都唔得，奈何我係窮L，所以佢問呢句真係出自關心。我之後諗返點解會突然喊，係因為我發現其實有啲野想做/想achieve，但一直以來自己呃自己話唔在意，到呢一刻"覺醒"咗，但已步入中年。
另，人生Hea唔Hea係個人選擇，搞得掂自己，唔麻煩到其他人，咩生活態度我都會支持。
3個讚