女女做左專注力test, 結果係剛剛責界合格, 不過同其他小朋友比較真係好易分心, 成日要人提住先得, 有家長話食魚油有用, 有冇家長分享下?
分享自身經驗得唔得架 
我1x年讀書時食過一排魚油，真係覺得專注好左，記性好左 
到後尾工作時再進修又食近同一隻魚油，發覺唔work 
睇成份又發覺唔同左
唔知係咪要計埋魚油個含量夠唔夠先得
3個讚
我覺得係同專注力藥嘅問題接近，都係需要小朋友自己願意去專心先得，佢自己唔想專心就唔得。（利申：我以前細個日日食，都依然被投訴唔專心，食同唔食都一樣）
另外就係人體吸收嘅問題，食左唔一定吸收到。嗰啲研究係話食有 omega 3 fatty acids 嘅魚只有發現有改善，而唔係食魚油之後有改善。即係你要食條三文魚先得。
以前旅行嘅時候，聽過一個校長講，佢教嘅特殊小朋友。佢話食鐵質高嘅野幫助大啲，例如菠菜，減少食麵粉類食物，例如麵包，咁樣啲仔會聽話啲乖啲。
1個讚
最緊要介口! 介糖介色素介雞粉! 真係會好好多!
3個讚
我仔有食~食梗忌廉魚油一日2包~同埋有上d專注力發展班~
明白, 原來雞粉都要戒?!
咁有冇話係邊隻魚油有用, 我女女得幾歲未到1X, 唔知可能試邊隻 ?
忌廉魚油? 有冇用? 專注力發展班係咪政府果種? 我見一個星期一堂, 會唔會太少?
我之前覺得有用時係食smartfish忌廉魚油，當時係鱒魚油(DHA230mg, EPA 220mg)，
後尾再食覺得無效時係三文魚油(DHA180mg, EPA 160mg)，
宜家上網睇見佢係寫深海魚油(DHA240mg, EPA 177mg)，呢個比例同我當時食覺得有效都好相近，但產地又唔同左。
我留意過當時有效同無效個dha, epa 比例已經唔同曬，唔知有無影響，我已經無再食，但我影低左資料所以比較到 
記得朋友講過 (佢仔有專注力問題) 醫生叫佢揀EPA高的魚油丸, EPA比DHA高最少50%, 兩倍或以上更佳.
我仔食左一排~我覺得係定左d~起碼唔洗隔5分鍾提佢一次要專心~專注力發展班我見佢鍾意上~我有同佢去私人再上~今個月開始一個星期3堂~希望6歲返學之前追得返~