人會變，月會圓
以前讀書時好老友既姊妹，出黎做野之後開始少見
差唔多一年無見過面，最近約我出黎食飯，以為聚舊
言談之間講到工作、投資、未來規劃
以為佢真心想同我互訴近況
點知原來係sell基金，同我講邊隻基金好賺得
拎計算機計左條數比我，話十年後可以賺到好多錢
我當下婉拒了，佢連番幾次sell我不果後黑面，然後就散band
估唔到一年無見，就變得咁快
最慘我埋左餐飯，佢無比返錢我
11個讚
d人一做保險丶基金真係會變。
好怕佢哋扮熱情，講到會點幫到你咁。
唔好怕醜，message佢話上次食飯要幾多錢
27個讚
個個變哂正能樣
8個讚
有朋自遠方來
非傳銷即保險啊
12個讚
我同事有個朋友話去完旅行有手信比佢，原來係約出來sell保險，又話仲有一份手信冇拎出嚟，再約佢出嚟攞，
我哋其他同事都話一定想再sell你啦，
同事話為左份手信會再去
之後當然係冇買到
有啲直頭用本中學畢業生 contact list 來 cold call， 屋企電話一定唔 update 但至少搵到呀媽，再自稱係好朋友問 mobile number, 我呀媽又信俾左佢，之後打俾我，話約我聚舊，我聚佢老味，7年中學都未試過同班，我只係大約知呢個人係同年畢業，連名都唔記得。
呢位同學係賣保險
2個讚
算啦。有頭髮，應該你無人想做癩痢。
今次算啦，但再sell就以後唔好見啦
傳銷真實節錄 屈９我無時間做運動
減肥？
係呀 依加夜晚戒食飯，食清啲，又做運動咁
要食多啲蛋白質先會瘦得快
朝早食蛋，飲豆漿，應該都ok嘅
有無試過代餐，一日代一餐，瘦得仲快，其實好多人返工都無咁多時間運動啦
唔係丫我日日都有做…
但代餐唔好亂食，依隻均衡天然啲，坊間好多入面其實高糖
ＸＸＸ
後尾知道原來做傳銷都幾辛苦，一星期去三次聽野，唔怪得佢話無時間做運動 
成件事真係本沒倒置
4個讚
咁耐無見, 唔通真係搵你出黎聚舊咩
以前有個朋友間中都會見下面, 後來佢轉咗做保險, 最初聲稱一定唔會sell自己朋友, 話唔想搞到無朋友做, 但之後間中都氹我叫我攞我本身份保單俾佢睇睇有冇問題, 估都估到佢想點, 我真係睬佢都傻, byebye佢條尾 
其實呢啲人有冇真正朋友﹖
2個讚
傳銷，幫緊你幫緊你
1個讚
又咁講，人地做傳銷一定有人地嘅理由，whatever 什麼原因，總之就係做咗傳銷啦。
咁KOL 體質又唔係人人擁有，認真，無呢個潛質，對住陌生人去 sell 嘢係好好好好難，咁就自然要由屋企人開始、老友、熟朋友、麻麻熟朋友、唔熟嘅朋友、唔係朋友嘅朋友…。
對住呢D 朋友，只要自己意志堅定、唔心軟、堅持唔買無謂嘢，咁其實我又唔會心存厭惡嘅。
4個讚
最討厭呢種無事不登三寶殿，尤其層壓式銷售最討厭，呢類朋友我推卻多幾次，仲係咬住唔放嘅話，通常我都會斷絕來往，再有來電或 Whatsapp 一律封鎖 ! 
我有個舊同學冇見多年, 只係面書見到佢日日生活多姿多彩, 次次同唔同人影相gathering/party,
我以前唔知佢邊行, 以為佢真係好多朋友,
後來有個common fd話呢個人其實冇乜傾得埋嘅朋友(common fd已算係可以傾到, 但有排都未到知心, 起碼common fd唔覺得同佢好知心),
書面只係用來portray一個image出來, 但又同時呢個舊同學又好享受, 佢覺得自己相識滿天下,
做得呢一行就要有呢種"DNA", 所以我地唔需要擔心佢地有冇真朋友
4個讚
通常啲N年無聯絡，突然出現嘅
一係結婚
一係轉左做保險
見得呢d case多，搞到一有耐唔見既朋友約我，我都好有戒心。
有次舊同學主動約我食飯。心諗，我地唔係好熟咋喎，我即刻問下Common friend，佢係咪轉左做保險/傳銷呀？但又唔係。最後，原來佢係想轉工，睇下有無工介紹。咁呢個我又ok既。
2個讚
我都試過啦,岩岩轉新工,有個舊同事妹妹仔話過黎搵我食lunch,點知原來係sell我做佢 xxskin下線 
我拒絕左之後,佢話我side佢時間,發脾氣走左 
好彩我無請佢, 大家AA
SELL我我拒絕左都好黎好去,我唔緊要呀(我都有FD做保險傳銷),但我上一個留言果個舊同事態度勁差,以前以為佢妹妹仔,點知其他舊同事話返俾我知,佢好攻心計 