小朋友開始高小，學校愈來愈多野要自己跟，但係佢完全唔當係一回事，好似冇乜所謂，我本住應該要佢自己受下教訓，唔理佢啦，但係第二，三次又係咁，講道理又話明，唔通我要事事緊張，幾時先可以獨立些少呀
同我女中一個陣一模一樣
咁而家有冇轉變到？對住佢果種激心吾止火果種，係有少少直頭想放棄吾想教（心情）比人話得多都唔好意思啦
現在除咗執嘢外，其他已經改善咗，起碼自己會溫習
我女D工作紙整到垃圾咁，搞到老師打嚟，話唔見咗本作業，之後印過本，連影印本都唔見埋
始終而家小朋友冇經歷
我哋以前邊有人提點自己？所以而家小朋友幸福架
1個讚
過咗辛苦時期
我個仔由細到中三都係咁，仲可以完全唔讀書去考試。
去到高中讀書好認真，因為經歷過好多嘢，好想考好啲，去外國讀大學，身邊平時好 hea 朋友都發力，變咗自己都唔敢懶。
原因好簡單，因為知死字點寫，見到啲師兄呢幾年在本地大學有幾慘，就會有動力。
3個讚
而家年代既高小其實仲好細個，到中學先可以放手，辛苦d再傍埋佢呢一丶兩年，日哦夜哦希望多多少少都入到腦
2個讚
諗起都心酸，我九十年代讀大學，其他人係讀唔成書先去外國讀，讀到三大係被阿爸阿媽同啲街坊提而且覺得好威既事
而家唔送仔女去外國讀大學就會令人擔心，短短兩年香港變到咁
6個讚
希望啦，我都同自己講佢終有一日可以既，可能有時太累諗得太多
係呀，咪成日怪自己暫時未有機會比佢出去，好怕累咗佢
今朝先勞氣完,叫佢溫通識,慢慢嚟背幾句嘢背兩個鐘
晏晝仲要溫科學…大佬呀…聽日就考啦…仲慢慢嚟
1個讚
慢慢嚟啦，諗返起你生仔嘅初衷係啲咩
唔覺得小朋友有咩問題，反而如果童年有心理陰影，大過咗仲慘啊
1個讚
無知一問… 咩係高小? 姐係小學定中學？
小學四至六年級
1個讚
試下罰佢？我小朋友唔識咩前逾，但一知道無得玩，就唔敢做漏野
我自己係一個做事認真既人，但其他做事唔認真既人，佢地通常做錯事後都唔會自責，仲會覺得我地呢類人係怪人，而且會覺得我地好討厭，平時俾好多壓力佢地。佢地唔 Care 做事認唔認真、亦唔怕同一件事多次做錯而受責，呢種人永遠唔會覺得自己錯，而且仲會好快將自己過錯，忘記得一乾二凈，若干時間後仲會話唔記得，仲會賴一切係你問題 !
對住呢種人，你只可以當佢係腦退化、失智症親人咁照顧，否則一係同佢斷絕往來及關係，如果都係因為血緣或關係，始終牙斷唔到，你就要繼續照顧佢，及原諒佢未來繼續一切過錯 ! 久而久之，你就會慢慢接受及習慣佢，不經不覺其實佢已經拖低你智商、及情商 ! 
2個讚
我女都係咁. 啲功課畫到花曬, 唔見咗幾頁紙都唔覺得有問題…自己小學時代父母已經冇幫手溫書, 默書測驗考試都係自動自覺去溫習, 因為好驚會肥佬. 都唔知點先會令小朋友識驚. 會唔會係而家學習環境比以前冇咁嚴, 啲老師唔會鬧學生, 所以小朋友感覺唔到學業差會有咩後果?
我唔想將"讀唔到書將來做乞兒"呢啲價值觀灌輸俾小朋友, 我相信讀到書唔等於成功. 但學習興趣 & 責任心唔知點做先可以培養到.
1個讚
已經罰左啦，開頭都會有啲知驚，慢慢佢識得進化到你唔比我打機甘咪開Netflix 羅，再唔比咪睇書囉，總之佢就有辦法令自己舒服甘生存，而令身邊嘅人受難