今日去2左健康院同個女打一歲針，知多人就早左少少到，等左一陣見醫生，一入到去醫生話好忙好多人等，只可以問她3條問題，我費事同她嘈，咁我就問啦，
我問加固呀，兒童發展嗰啲，她正係講正常，個女食的就比多啲，唔想食味唔好比呢啲野黎打發我走，我再追問，之後她就話已經夠鐘，我話夠咩鐘，有限時架咩，我又唔係遲到，健康院都係幾個月先黎一次，我都只係問左2條問題就耍我走，有幾咁忙呢？
但之後個醫生就狂推我話要打針，之後等打針的時候原來我係她最後一個客，之後就食飯，唔怪得睇得咁急。
一歲針唔係見姑娘既咩？
係囉，一歲唔係淨係得見姑娘咋咩？
認真，如果想問多啲知多啲睇私家仲好
1個讚
約埋同一日見醫生同姑娘呀
想hea 嘅醫生先去做健康院
好似話4點幾洗杯 
我bb六個月去健康院嘅時候因為擔心有斜頸問題所以想見下醫生，等左一大輪之後見左三分鐘都冇。個醫生勁hea。果陣bb先得六個月點會帶到口罩，已經帶左防疫帽，佢死都要俾個口罩我,要幫個女帶左先肯檢查，結果當然係勁鬆帶唔到啦，佢就勁嫌棄咁睇左兩眼就算數。
因為我一路都係去私家診所打針，至此我就唔會再去健康院
其實之前去健康院係ok,雖然等得耐，但入去見醫生同姑娘都好態度，唔會hea,（我搬左，所以轉左醫生）
唔只醫生，連啲姑娘都勁差，我話bb一歲都仲食夜奶，佢問左餵哺情況，我有講過雖然無乜奶但都想繼續餵，點知佢話「反正你都無乜貨，不如收檔算啦」，仲介紹埋收奶三寶比我
邊間健康院咁衰？
我仔都係去健康院檢查的，初生時見醫生都好細心，醫生懷疑我bb有髖骨問題，仲即刻寫紙轉介我去兒童骨科，好彩最後check到無事。
我去果間健康院啲姑姐同醫生都好好人架喎
啲姑娘主動問阿女情況多過我問佢嘢
但就唔係每次都會見醫生，係姑娘覺得有問題先會安排見
呢個我都遇過….唔止姑娘，連啲阿姐都好似嫌你阻住佢收工。
都會激氣，但只能怪個時間唔著時，下次約早啲。
同埋有咩問題可以上嚟問吓我地。
下，之前我無奶去健康院她們都超好人一診一步咁教我
係呀，今日啲姐姐都指住我話我係最後一個，仲聽倒她們討論等陣食咩。。。。
想當年帶BB 第一次去健康院，等就等成朝，見 E 生 只有 淥個杯麵既時間， 滾水淥腳，之後決定去左私家e院比＄打曬 d 針，解決左當時新手媽媽既 困擾
我第二胎之後轉左第二區健康院，兩間姑娘同醫生都好好人呀。雖然有啲資料佢哋會懶答，叫你自己上網揾，我覺得OK，始終啲問題太general,其實唔洗要個醫生答都得嘅。同埋衛生署果啲書仔係好多資料，不過個設計太老套係冇乜心機睇哂成本嘅。
醫生問完我情況之後好主動問洗唔洗referral,相反私家醫生會話好少事，唔洗理都得。
不過我講嘅產科情況，兒童果邊我去咁多次都冇乜問題。
我果個打歲半針評估既時候，
姑娘發現bb唔識聽指令，
叫都唔彩人。
自己一個玩。
轉介左下個月見醫生。
入到醫生房，
醫生攞住玩具車叫bb名，
可惜bb都係唔彩佢，
走埋去書櫃攪醫生既書。
聽埋我哋講。
就轉介左bb去排期做評估。
都好感恩，果個醫生真係好細心。
其實真係一間間，而你果間真係差到一個點
利申我去沙田瀝源，至少未聽過咁既說話
我以前去過健康院同小朋友覆診
醫生同姑娘又無乜野
答我好多問題
可能真係一間間唔同
我個 bb new born 時有黃，果段時間三日唔埋兩日要去健康院check 住度數。
同一間健康院有個醫生好好，教我點觀察bb ，到真係要入院又會安慰我教我點做。
另一個就講多一粒字都唔肯，淨係話過兩日要再返黎，問下即係依家幾多度黃都唔答。
該主題在最後一個回覆創建後30天后自動關閉。不再允許新的回覆。