吾好意思。你呀媽真係好恐怖。自已老公同個仔都吾理。一個係親人，一個係自已生嘅。都可以咁無情。老左都吾洗止意有人會理佢。
我講過佢第日再老 d 要人照顧我實一腳踢佢入老人院，等佢感受吓比屋企人送入老人院嘅滋味
我諗我會盡快講比佢知，等我同老公傾完先，因為佢以家拍緊拖
都唔知講咩好， 只能說路點都係要行，開心地好好過每-天
我記得早兩年我媽同我講我地福利攞到盡 
我爸最初係攞傷殘金，幾年後入老人院就轉攞綜援
到我哥亦一樣，以家攞緊綜援比院費
我自己攞緊傷殘金，用緊傷殘八達通
咩叫福利攞到盡，我可以唔要傷殘金換回我健康的身體
早幾年我未病發，我哥未入老人院佢要同大陸嫂搞離婚，我媽唔肯推佢上律師樓，叫我去，我比較瘦真係唔多夠力推佢，但我媽死都唔肯去，話 Call 左車係街口落，我唔會推好遠，我見咁我咪推我哥去囉，出到旺角初初都無野，差唔多到大廈轉彎位整路，有塊板係地下，我推極都推唔到佢，果度係旺角有好多人行過，但無人幫我，望就有人望，之後忽然間有隻手伸過黎幫我推一推就上到塊板，我轉過頭諗住唔該佢，佢以經走左，到以家我都唔知佢係男定女
5個讚
香港都仲有人唔介意幫手出力既,我有時都眼望望d呀婆,我都係想睇下駛唔駛幫手開下門咁
2個讚
加油
加油樓主
願主祝福你們一家！
1個讚
最近我以經落唔到街，行幾步就覺得隻腳無力行得好辛苦，除非買輪椅搵人推我落樓下，我先出到去，月頭返過醫院覆診外，之後就無落過街，好悶啊
1個讚
妳咁講，其實我某程度都明白妳感受
正如我父母關係唔好，爸爸2年幾前中風要長期臥床。我媽咪係反對我爸爸返屋企。一心要送佢入老人院永遠唔好返嚟。但我哋從來無期望都無要求媽咪照顧爸爸。
我哋幾兄弟姊妹同阿嫂一致決定請工人，加埋我唔再工作全時間連阿嫂一齊照顧爸爸。仲為咗希望屋企環境適合爸爸居住仲成家人搬屋。
但因為我唔係同住，當時我媽仲要間中就清晨我未瞓醒就打黎講粗口罵我。令我精神壓力好大。直至我爸爸休養一段時間，又喺老人院住咗幾個月等新屋Ready…返到屋企我媽咪襯我哋不在就埋爸爸床邊指住爸爸罵。喺我哋面前咒佢死。罵佢累人累物。係好難過。其實無人想病。
其實我都好憎我媽。直至我爸爸幾個月前走咗。我未完全釋懷到架。
好似妳咁，妳都唔想有呢個病。亦無人想病
妳自己都會好唔開心好大壓力，因為諗自己之餘又諗埋屋企人。
其他屋企嘅野，妳都好難顧及太多。眼前首先要好好對自己愛自己。至於仔仔方面，其實我贊成提早俾佢知道。因為佢都成人了。佢有權知道。之後要點妳都只可以陪住佢，實際決定唯有只由佢去諗。
雖然不認識，都都好想俾個大擁抱妳。
希望妳嘅唔舒服可以舒緩到。我哋好多人撐妳架。平安
12個讚
初初醫生叫我買電動輪椅話都好方便唔使人推，但我以家租緊私樓住 ( 排左公屋四年 )，屋企樓下要行幾級樓梯先到大堂有電梯撘，電動輪椅好重緊本搬唔到落去 
我同老公講過佢話買住細轆嘅輪椅坐住先，佢叫我覆診時搵醫務社工睇吓加快上樓得唔得
1個讚
多謝你明白我 
1個讚
其實我以經接受左要坐輪椅嘅事實，雖然仲係好唔開心，最初一刻有諗過就咁離開就算，無謂累人累物，但望住我囡我好唔捨得，我唔敢想像我離開左佢會點 
我仲有一個問題，男家唔知我有病 ( 老公除外 )，初一要返奶奶度拜年，以家我行幾步都無力，到時要坐輪椅返去，奶奶佢地問起點講呢 
4個讚
我覺得你同老公商量一下，叫佢係見面前同佢家人講咗你個情況先，減少你嘅壓力。
3個讚
但輪椅其實唔係亂買架，都要睇本身使用者嘅高度、重量等等。如果輪椅之後一直會有人推，細轆係Ok…如果會自己推，就要考慮大轆了。又或者覆診時，問吓醫院可否轉介職業治療師幫妳推介適合嘅輪椅？佢哋可以因為妳身體及使用情況推薦俾妳架。同埋經佢哋介紹有可能平D…
2個讚
你排左4年公屋，照計都要等多2年左右，我建議搬屋，咁你就可以自己靠電動輪椅出尼。
如果仲係死約期既話，試下同業主溝通下，提早解約，靠房署恩恤提早派屋，唔大機會
我家中有大細轆輪椅各一架,係以前長輩用的,已經丟空三四年,有興趣可以聯繫我,免費攞去用,希望盡少少綿力幫到你
其實我也有家人發生過類似你的病,他的自身免疫系統攻擊神經外皮的保護層,做成神經短路,最後會發展成冰人症,不過佢比較幸運再發展到冰人症之前已中風走咗
7個讚
Post主既情況，一係電動輪椅，一係由他人推，因為e種病，肌肉會慢慢流失，佢唔夠力自己推動輪椅
唔知講乜好，樓主振作
1個讚