係依間網店買咗野，但遲左成個月都未到貨，又唔比退錢，覺得好無助…
之前有啲貨收到，但完全貨不對辦都諗住算數了，話日本貨但完全係大陸野，點知今次連貨到收唔到就好離譜
我有冇咩可以做？係咪只可以報警？定去消委會報案
我都有少少覺得唔對路，扮日系嘢但係淘寶貨。 兩年前買小朋友口罩，一路話啲貨未到未到，叫我耐心等，等咗成個月佢哋話都係未到，可以退款，咁我就退啦… 然後過咗一日，佢又有得賣，set價錢貴咗添，之後我就對佢無唒信心啦…
我有訂過D玩具貼紙，都收到貨
不過有D野淘寶有見到
係佢到買野真係要預好耐好耐先收到貨
坦白講收到嘅貨質素都幾麻麻…
佢啲運貨同整理好差, 我會選擇唔係佢到再買嘢
呢間好多人話大陸扮日本，佢好多野淘寶都有，我上次都買過野，都有收到貨，不過質料差d囉
呀呀呀…我11月底仲同佢地訂咗部"安心"電話…會唔會收唔到貨? 
我試過買件冬天冷衫，見佢平
點知等咗成兩個幾三個月先收到貨
收到貨雖然啲質料都OK
不過都好大機會係淘寶，咁平(感覺上)
重點係收到貨嘅時候已經春天
我見到佢部機寫 android 7，係咪真係用到？
佢啲基本上係淘寶，發貨又混亂，用過一次就blacklist
我之前係另一間買親子網買小朋友衫，一直都無事，但7月突然間話遇到好大困難，之後話退款，但一直無下聞。。。百幾蚊買個教訓
呢間我都買過，有d係好平，但質素真係麻麻同等好耐，佢每日都有好多post
我都幾經常係呢間買 
多數上門市拎,同佢預計到貨日差唔多,有時仲早左到貨。門市有D清貨價,有時執到平野~質素就淘寶貨,因為我冇淘寶又鐘意摸下實物,所以間中會上門市睇下。
介紹比囧嫂啦…收唔到貨自然會「刮佢出嚟」
唔係騙子，幫襯過一次，但只此一次
成間舖溝通有問題，過左數ws確認左後一星期又無啦啦send個email嚟話我未過數
好了，收到通知可以上去拎貨，上到去又話原來未有，同事搞錯左，結果白行一趟
有問題永不回答, 只係不斷叫人落單. 幫襯另一間算了.
你預三個月先會收到貨
呢間嘢完全係冇咁大個頭又笠好大頂帽
淨係識出post叫人買叫人訂
Inbox 9世都唔覆msg
到貨日期冇一次係準嘅
勁耐先出貨
啲單亂到9彩
係依間野買野真係當買淘寶質素，但淘寶起碼出貨快…. 同埋一句唔到貨就扣實啲錢，隨時執笠走數
該主題在最後一個回覆創建後30天后自動關閉。不再允許新的回覆。