如題,大家嘅子女溫成點？大家加油~
依家將要考試嘅學校，係一年幾測幾考?
我係黎…曬下命… (唔好打頭)
我係一個懶媽咪…工作已經令我喘不過氣…所以我無本事…亦從來唔追求我2個小朋友要名列前矛, 只要佢地係中中等等, 唔好唔合格, 有努力溫習就OK
TOUCH WOOD 我2個小朋友, 由幼稚園開始已經要求佢地做好功課先準玩.
上左小學, 我都係由佢地自己溫書… P1, P2, 有請假睇住佢地溫, 只係睇住佢地溫, SET一個時間佢地要坐響到自己溫, 比練習佢地做…我幫佢地對練習, 有唔明既就問我, 我先理佢地.
P3開始 佢地都係自動波, P4下學期開始專補… 我返黎最多都係對練習…
所以, 我覺得自己有福氣, 我好少因為溫書而勞氣, 當然… 成績返黎會有失望既時候, 但只要自己同自己比較, 唔好強求, 自己心情都會有返DD.
大仔小學一直都係中中等等… 但上到中學開始, 佢真係發揮得到自覺, 情願唔玩唔打機去溫書…變左名列前矛, 我真係好安慰
細仔, 我唔知會點, 佢係HEA 爆, 成績好一般好一般…但溫習都係自動波唔洗我煩心…
13個讚
我地果間小學, 2測2考
雖然係地區熱門, 家長口中好既小學 , 我自己覺得都算係HAPPY SCHOOL, 我反而會覺得明明P5, P6呈分, 但竟然無咩功課…
2測2考, 但只有考試先落成績表, 平日一個月, 中文+英文默書都唔知有無4次…亦唔會計落成績表.
3個讚
我女嗰間中學一年三次考試,測驗就個個學期唔同,臨考先至要測幾多次
我女上咗中學之後又係成個人唔同曬,以前小學叫極都唔會溫,而家竟然識得自己自動自覺去溫,可能大個咗開始識得緊張成績了
1個讚
我大仔醒覺到…
我連佢幾時測試, 考試我都唔知…根本唔需要要, 佢自己攪掂曬…
我知係因為我叫佢陪我去街, 佢唔去話要溫書我先知架咋, HAHAHAHA
1個讚
測驗佢吾會話畀我知幾時測,又唔使簽名,所以幾多分我完全唔知,考試我就一定要知佢幾時考
真係正~ 我地一樣老懷安慰~HAHAHA~ 比個5我~
1個讚
暫時都仲要(P1,P2)，再大啲應該唔洗我喇(希望)
我女到中一上學期都仲需要陪讀
小學就會,中學已無能為力,小朋友自己可以解決學習上問題.衹係唔想溫太晚影響健康~
測驗佢會話我知,且每當佢考試,都會要我放她喜歡的大豬在座椅上坐著不動,看著考試的書本及筆記,遠距離給予訊息喺學校既佢,待佢回家時候親親. 從小學到現在中學都係咁做~~ 冇話一定有用,但效果顯著!
低小有陪下, 但高小就陪都無乜用, 都係比D練習佢做下
要，好勞氣好累 
不斷安慰自己，佢仲好細佢…仲好細…
要，初小。
有日我教佢百個位除個位數，教到我嘔血，明明十位除個位識做，點解除多一次就唔識？
加油
我都經歷過,真係好勞氣,問咗幾次都答唔到,眼甘甘咁望住你等你畀答案嗰刻真係好勞氣
因為多咗一個位,佢會覺得亂,只係一時間個腦轉唔到,做多幾次就會ok
如果小朋友明曬堂上講咩，只係需要返屋企溫熟D，係可以培訓到佢自動法。默書叫佢自己錄音，溫書就買練習返黎，指定佢地做幾多版 。
但如果佢上堂係唔明既，就一定要陪讀，甚至搞到home school 咁，從頭教一次
「上堂有聽書」呢關 10 個有 8 個都做唔到。