自從兩個小朋友升小學，已做陪讀書僮幾年日子
一個要嚴勵監督先會溫書嘅小朋友
另一個有讀寫障礙，要不停loop生字先會記到
我好攰，好想做一個對事事唔上心嘅媽媽，但見到佢哋好乖，雖然佢哋唔係叻嘅小朋友，但佢哋都唔放棄，我又唔忍心放棄佢哋
回想以前自己小學已經係靠自己溫書，除了犯校規外，以前嘅老師都唔會小小事就打電話俾家長，以前做家長真係可以將小朋友交曬比老師教，唔同而家……做家長真係責任比以前重好多
呻完，謝謝收看
8個讚
做父母從來唔容易，每日都係學習，你既愛佢哋會感受到既，加油
2個讚
加油呀，我都岩岩經歷完，我而家先發現原來自己都算有要求，真係做唔到完全唔理，小朋友乖已經好好，加油
1個讚
加油呀!我女星期一考,見佢今次都有出力,希望成績唔好太差就得啦
媽媽加油!我女小學嗰陣我都經常要陪佢溫習,大家一齊加油!
1個讚
我覺得過程好重要，佢哋肯用心，成績都係其次。無論派幾多分返嚟，都要對佢哋讚美，欣賞佢哋努力。
2個讚
又係練EQ既時候🥲
加油
1個讚
加油
1個讚
係呀！
原來唔係得我咁覺得
我地個老師 可以打嚟同我講：你個小朋友講嘢好誇張失實 話自己係全世界跑得最快嘅人 唔會架嘛！
真係想問佢有無睇 《媽媽的神奇小子》！ 
另外 俾個攬攬你 
佢地唔放棄時，做父母一定要全力支持！加油 
4個讚
佢唔去投訴迪士尼？
Else 手指可以射冰，唔會㗎嘛！
1個讚
多謝大家嘅安慰，心存感激
大個個今年好生性努力溫習，就算考得唔好都唔緊要，知道佢已經盡左全力
細個個有讀寫障礙，我都唔迫佢了，讀埋今年都係唔得嘅話，就考慮要轉校了
我媽話，無生命危險都唔會打俾佢。
依家，我仔落樓梯檻級，老師都打嚟投訴呀⋯⋯話d同學仔會有樣學樣喎⋯⋯
我初初一聽學校老師電話都會好緊張，以為係咩大件事，有次原來係話我個小朋友唔識執file, 個櫃桶好亂，有次考得唔好又打電話嚟叫我跟緊啲（間接俾壓力我）初初我聽完都會好嬲咁鬧自己個小朋友，但當我聽多幾次呢啲電話先知而家係咁嘅玩法，而家到細個個又係老師小小事就打電話嚟，我而家都唔會認真聽佢講咩野，忍住唔話返佢
以前係老師怕家長，而家調返轉，年代唔同，以前家長冇而家咁著重子女學業
1個讚
有d平衡時空，我呢邊老師唔會因為小事而打黎。試過打黎講小朋友屙濕左幾次，問下屋企potty training 係點，想學校點幫，同埋大女有次係學校甩牙整濕口罩同我講返聲。
所以我身邊既家長反而嫌老師電話少，想老師update得多d.其實no news is good news la~
書僮報到 
一齊吐血，一齊加油 
1個讚
我即頭噴血，佢英文好好，相反中文就溫完都唔識 
咁都打黎個老師都好唔得閒。其實佢打嚟既作用係乜，老師不如教清楚個小朋友可以點執仲好啦
1個讚
我女今日返嚟問我佢會唔會考全班第尾…
因佢已知自己中文,歷史和數學會考得唔好,我話冇辦法啦,都考咗了
1個讚
聖誕節之後就考先慘～
放假想輕鬆啲都唔得～
諗住唔俾佢返補習社輕鬆下 但係屋企又要趕鴨仔咁溫書～
而且係屋企又無得俾佢做卷～
1個讚
要自己出卷架。。。
我覺得通常中文好，英文就無咁好，反之亦然
要2邊都好，除左小朋友有talent 對文字有興趣，家長都要落力谷，因為咁細個就駕馭到2套lang唔係就咁睇書就通。
唔得就算啦。。。