其實細個嘅時候參加嗰啲牙科保健,嗰啲醫生係咪全部都係學神？諗起絕對係童年陰影。
好似一路都係，學護
一般係牙科治療師睇，而當中都醫生、姑娘，佢地全部都畢左業 
2個讚
當實習
我覺得ok,
佢哋讚我牙好健康。
洗下牙就得。
重有奬狀。
我有蛀牙所以好痛苦…
但真系同大個去個d唔同…
大人去到唔會大叫，有d小朋友入到去已經大叫、大喊、咬人，踢人，打人，點同呢？
我睇到我啲同學入去診症室都喊著出嚟，
就知咩事。
1個讚
我明…佢地要同小魔怪鬥，耐力少D就唔惦。但同私家比，真系爭好遠。30-40年後我重記得幾痛。以下後刷牙努力左。
我細個私家同牙保都有睇過，但私家陰影最大，牙保雖然有俾人罵過，但治療全部係必要性，但私家就為錢。
話說我過左3x年都好記得清楚呀！個醫生以前係屯門新墟定大興果邊，當年我讀幼稚園k3放學後睇佢，當時阿媽發現我有隻恆齒剛出左好少少，乳齒未甩未鬆，呢個醫生話一定要剝牙，仲要連剝2隻喎，因為恆齒大隻過乳齒喎，仲要連麻醉針都無，只用一塊白色濕棉敷下牙肉幾秒(有dd清涼薄荷感覺，至今我問過n個醫生都無人知係乜黎)，但剝果時痛到心都裂出黎，係10級地震式咁痛，因為好痛我先爭紮，然後被人壓住對手，我忍唔住先爆喊(可能痛到大叫都未定)呢個醫生即場發曬顛咁狂罵我，記憶中完全失控既發顛，我第一次被人咁惡責罵架，我當刻好驚架！又痛又驚到全身震曬，佢仲叫我咩冷靜後自已入去剝牙，唔要見到阿媽入黎，我好記得阿媽講：「一陣敷多一次牙肉就唔痛架，乖啦，唔好喊出聲」，又抱走我出大堂坐下，不過好彩阿媽即刻去俾錢走人出門口後叫我唔使驚，以後唔會睇佢，頭先咁講只係想快d走遮
後尾大個先知恆齒出左少少乳齒未甩係正常，宜家牙科保健書仔都有寫根本唔使剝牙，仲有剝牙要打麻醉針架！
之後無再睇呢個醫生，去左個比較溫柔既牙醫，可惜呃錢囉，將我d牙全部見到黑色牙績就話蛀，到我大個時仲有幾隻唔肯補，去左其他牙醫到check，係無蛀既！
我9成牙都被佢補過，一隻牙4面8方都補過，宜家食野唔受得力，硬野完全唔敢食，好易咬爆隻牙。
2個讚
頂…
好恐怖，睇字都覺得痛，真係cls
1個讚
乳齒唔洗剝，
我細個係自然剝落，
食食下晚隻牙跌左落黎。 
1個讚
所以我到宜家仲記住呢個牙醫名，不過無仇報 
完全係我嘅童年陰影，遇親都好惡，好似同細路有仇咁，試過不斷罵我個口唔夠大，我已經盡曬力，最後搞到咀角損曬。我啲牙唔多好，本手冊有個位填好/普通/差，個牙醫嫌差都唔夠，要手寫“好差”，當時對我黎講係好大打擊，明明又未差到要剝，都只係補牙。。。
直到而家我仍然恐懼睇牙醫。所以將來亦唔會畀小朋友去睇。
1個讚
童年陰影，最記得小學果陣係車哂成班豬仔去牙科保健，成日話我擘唔大個口，又話我刷牙時刷唔到最尾果隻牙繼而成支牙刷隊入喉嚨咁濟，仲要再返入去聲都唔聲一嘢唔該就剝咗隻大牙（當時仲要企係度剝），我而家40歲+人睇牙醫都驚到手震，生仔都無咁驚
2個讚
我記得嗰陣時去睇牙醫保健嗰日唔使上堂好開心,但係出嚟嘅時候個個都會喊咁嘅口. 好大反差
依家都係咁惡, 上年陪入去, 見到有個好明顯唔係普通小朋友, 大叫左一兩聲。佢地唔係安撫, 係幾個人衝入去一齊鬧, 再趕埋佢走 
。
見到有D心悒… 我明係會影響其他小朋友, 但無需要咁趕佢走。
1個讚
日日對住班小魔怪好難怪佢哋. 調班小朋友坐定定檢查小朋友都會驚. 跟住就會喊, 跟住護士就會冇耐性. 惡性巡環都幾難打破.
1個讚