日日辛勤工作，但究竟你所得的人工薪金算多還是少呢？根據政府統計處《綜合住戶統計調查按季統計報告2021年4月至6月》，港人每月就業入息中位數最新是19,600元，即只要月入多於這個數，人工已比全港一半打工仔高。
根據最新出版的《香港統計年刊（2021年版）》，月入5萬元以上的高收入人士較5年前大增，你的人工又排全港第幾呢？
雖然受新冠疫情影響，但月入5萬元以上的高收入人士比2016年多。其中最高收入一群、月入10萬元以上的打工仔有超過10萬人，較2016年多逾3.3萬人，升45%，同期香港打工仔減少了超過12.5萬人，跌幅3.3%。
至於你的家庭收入又是否算高？根據《香港統計年刊（2021年版）》，如果你的家庭收入達3萬元以上，其實已比全港一半家庭住戶收入高；如收入達60,000萬以上，更已比全港四分之三家庭住戶高。
只計打工仔… 即係唔計做生意嗰啲? 
同五年前比較
三萬住公屋仲還可, 如果租樓, 供樓, 燈油火蠟, 柴米油鹽, 再加供養長老, 真係搵三萬都係窮人…
三萬住公屋要睇返幾多個人
原來月入5萬已經叫係高收入人士
5萬蚊向香港唔係好見洗咋喎
如果單身一個人5萬就幾好洗… 一個養全家就好緊…
兩公婆各5萬, 加埋 10萬就會好好多…
所以好多人誤會
十萬係唔使供樓
好好多只係叫可以洗錢疏爽啲 
如果對生活有要求… 或養好多人 (一家四口+工人+4長老), 都係十分唔見洗 
係香港真係咁多窮人🥲
仲要供樓養車，小朋友學費同興趣班，得閑食下buffet 去下staycation，中產過慣物質生活，其實到最後都係儲唔到幾多錢。
睇返出面既物價，覺得呢個表好離地。。。
有條件有經濟，講到中產有罪咁
所以呢2年無得去旅行其實慳唔少 
養小朋友真係無底深潭, 好多本身無乜物慾既人, 一生左小朋友, 都會好捨得洗錢 
我每次都好懷疑呢d數嘅準確性… 我公司入職嘅junior都幾乎有呢個中位數….
但睇返藍領人工，佢地足以拉低成條數
咁我係低下階層 但好彩係住公屋
係囉…我公司好多起薪點都萬八萬九… 亡國文員都三萬起啦… 
乜學歷乜位先
junior 大學生就15-19k 都有
但總有d位，比最後工資多dd
