今日TVB股價繼續隨大市下跌，最新報已跌穿20億市值，是連續第13個交易日下跌，即使早前無綫首席創意官王祖藍認為無綫股票相當抵買，笑言是入貨好時機，出埋「口術」，都係無助股價回升。
「抵買論」無威力
「抵買論」無威力，翻查資料，王祖藍的確難成股海指標，皆因其家中經濟支柱，創業先於置業形象深入民心，更多次公開自言不炒股票，會買一些新興市場基金，以及投資物業為主；而即使投資物業，王祖藍也相當合符習總「房住不炒」的原則，都是以自住和送給家人為主，與「炒家」形象相去甚遠。
根據報道，2013年王祖藍斥資約1340萬元，購買香港大埔雅景花園一座無敵海景洋房；2015年9月，王祖藍與妻子李亞男斥資1.14億港元，購入了香港新界逸瓏灣；2016年，王祖藍又以3706.9萬港元購入離自己很近的一處低層連花園特色樓。
長遠睇好新樓
翻查報道，王祖藍曾說「自己讀藝術很怕計數」，「炒股票又冇時間睇，有可能都係物業比較多，買完唔使睇」，「我一向冇投資股票，長遠睇好新樓」等等，投資形象傳統，真實生活並不如獲Angelababy 獻銀幕初吻的電影《矮仔多情》中，那位每日要管理數百億資金的「藍子傑」，所以王祖藍話抵買，市場無反應都係意料之中。
梁競徽曾獲贈TVB股票
之不過，TVB係咪真係抵買認真見智見仁，身為高層的王祖藍，不如關心一下同為愛國港星的梁競徽（原名梁烈唯）。
股值幾乎大幅縮水9成
翻查資料，唯唯在8年前的《萬千星輝賀台慶》上，獲贈價值約5萬元的1,000股TVB股票，當月股價約48元，計一計今日報價，股值幾乎大幅縮水9成。如果今日徽徽都仲持有，對大台的愛，話唔定比「抵買論」更有助推高股價？
1個讚
14億人都幫唔到？
咁要好好諗諗點解衰成咁。
做番個有良知電視台，應該都會升吓嘅。
2個讚
佢真係唔識咖喎。 咁樣派貨真曲街， 買股票買將來， 邊方面睇到cctvb 會好生意，要坐貨我洗乜買你，又冇派息，派息都唔係買你啦…
2個讚
佢最當紅扮女人果陣我都睇佢唔順眼、而家為左利益仲出口術、真係影衰教徒
佢覺得抵唔抵我就唔知… 我就覺得愈遲買愈抵…而家仲有4.6, 分分鐘一年之後係0.46嫁麻…
system
於 關閉
12
該主題在最後一個回覆創建後30天后自動關閉。不再允許新的回覆。
不斷打破紀錄，可喜可賀