仔仔20個月，就2歲
本身好肯食飯食野，突然間唔鐘意食，只係食少少
依家大部份重食緊人奶，只會食幾啖飯
但餵人奶真係好辛苦，個仔有怪辟
食奶會扭來扭去，又會不停咁踢我個肚
個過程係成日痛，阻止佢又喊又發脾氣
最近重無lala日日都唔肯著衫，試過唔同款衫都唔肯著
用好多時間都教唔到
一要佢著衫就發脾氣
其實咁耐以來都好少發脾氣，我都會忍下
覺得bb實係有原因先咁
但因為佢長期食人奶，我真係好無助
2邊胸又痛，重要長期俾佢踢到肚痛
我忍唔住係bb面前扔左下件衫
走左出房
之後就喊得好陰公
唉…
有無mama可以分享吓類似經驗
我無餵人奶唔知果度點幫
有D小朋友Trouble two 真係好麻煩
不過我經驗係等下就會過，大左就好D
下個星期下個月可能又唔同
如果無危險唔重要就唔好堅持要佢用你既方法做你既野，否則秒秒鐘都鬧人自己都唔開心
你已經好冷靜
放鬆D
加油媽媽
我個仔都成日扭人奶，又係一路啜一路撐來撐去
我會好大反應同佢講媽媽痛痛，佢好似又明明地
唔食飯都冇辦法，我覺得係過渡時期，佢真係餓個時就會食
呢個我試過呀, BB著咩衫都話唔要
揾下資料有兩個原因解釋到我自己小朋友嘅情況:
揀衫
大個TROUBLE 2, 要揀到自己中意先肯著, 扭起上來, 佢話要著2件衫, 2條褲都由得佢, 俾佢著就算
觸覺調節失調
呢個係臨開學先發現, 因為要著校服, 個質地係佢由細到大都未著過,
一掂到佢就話好痕, 好拮, 唔要咁, 返學頭幾日要㩒實手腳先肯著
解決方法係沖涼同佢用毛巾, 海綿擦下身體, 大力少少都OK, 一開始會掙扎同話好痕, 但係過左一個月就已經冇問題
臨訓可以用枕頭同佢玩三文治, 放枕頭係佢上面大力啲按下佢四肢, 慢慢就會由好痕好痕咁變到冇野
媽媽餵到2歲好叻，因為餵人奶都幾辛苦
親餵小朋友係會痴身點，因為囝囝愛你同鐘意痴住你
2歲仲好細，試下慢慢戒埋身，媽媽又可以多返小小自己時間，RELAX下 
TROUBLE TWO過左就會好D嫁啦，小朋友大得好快，遲D你就會懷念佢既幼兒期 
無試過餵人奶，幫唔到你，
但20個月咁大，都應該考慮戒奶。
該主題在最後一個回覆創建後30天后自動關閉。不再允許新的回覆。