之前與男友正在決定其中一件人生大事，正當我與男友商議期間，男友家人突然介入，並出了很多不同的意見、反對的聲音，當中有他家人自身的想法做法，沒有尊重我，導致雙方有壓力，加上男友家人愈演愈烈，聲稱如果我地一齊男友便會沒有所有家人，以致分手。當時我地分手期間都有不斷傾談，有發生爭吵，有試下如何化解問題，但都是受到男方家人的反對。期後，唔知道係咩原因，男友突然釋放不同訊息，由之前的不可能轉為可以繼續行下去，男友家人反對，男友依然讓我決定事項，不理家人不喜歡繼續與我交往，而突然間男友家人態度開始軟化，對我地來往沒有其他意見。
過了數月後，事情開始淡化，男友家人由過往不太理會男友，變得很關心男友，回復左正常，男友開始慢慢淡忘家人之前所做的事，麻煩，但因為之前件事深深傷害了我，好似留下一個傷口未曾愈合，某程度上我變得敏感，原本唔相信他的家人，連男友都覺得不可信，由之前不會檢查電話，會直接詢問行踪，連他家人的軟化，我都覺得別有目的。亦不理解男人對家人對他的好會如此地接受，完全忘記之前發生的事。我直言完全不能接受，及不能原諒他家人對我做過的行為。
我有向男友表達出自己已變了，不如分開一下。但男友表示已發生的事已發生，未來我地仍有好多事要處理，不要經常鑽牛角尖。但我覺得有人傷害了我，我不可能當不了了之，當中搞事的人重來沒有表示歉意，我又唔係聖母，不能大方原諒，我確實不清楚可以如何地做，心結不知如何解開，想下未來又可能重復發生，唔知可以點解決。
女人唔嫁唔會死，但嫁錯人一定慘過死
佢家人根本同你一啲關係都冇，阿支阿左，你男友又不見得會保護你
趁未結婚，快啲走人
21個讚
你已經有所決定，只不過係自己唔肯承認。
我真係好少勸人分手，不過今次見你嘅行文，都係分手啦。冇謂心中有條刺，咁落去，自己盞唔開心。
5個讚
我見你特登寫到啲內容好空泛：人生大事但唔講結婚，家人又唔講邊個，都估你係唔想提
算啦，使鬼夾硬同個男人一齊咩
你慶幸自己結婚前睇穿個男人同佢屋企
4個讚
係呢件事，你有冇責怪埋男友？條刺包唔包埋佢？
如果無，咁之後有冇可能同男方家人不相往來？
如果二條問題有其中一條都存疑，我勸你分手，如果唔係，只會自己辛苦。
男方家人唔尊重你，男友又唔保護你，我諗你都清楚值唔值得結婚
又分開到又繼續落去，好似都係男方話事? 你開口講分手，男方只係話你，無理會你感受，感覺樓主好委屈喎
唔想分手嘅話，只係keep住拍拖你得唔得?
雖然未婚唔代表唔使應酬佢家人，但點都好過結咗嘅
你令我諗起自己父母, 成日話我記埋N年前既事, 迫我原諒佢地
又唔會自省自己做左啲咩傷害人既事
每人都有自己既步伐, 放唔放低都唔到其他人話事
仲要你男朋友都係咁, 根本要你隨佢地步伐行, 冇尊重過你
支持分手
2個讚
Merck
#8
只要有一下覺得唔妥當就已經唔可以交自己下半世俾佢喇
學你咁講, 你又唔係聖母, 你冇必要勉強自己求其原諒人, 連自己個關都過唔到, 唔通下半世谷住谷住度氣做人咩?
既然唔信任對方，仲點一齊落去？
我份人真係好自私，亦勇於承認自己嘅私心，所以少好多煩惱。