先來小小個人資料，小妹今年32歲，普通文職，一路以來都係瘦底。29歲那年我仲記得著牛仔褲係著細碼。
但係，一踏入30歲，新陳代謝就停左，開始明白到咩叫「呼吸/飲水都會肥」，呢段時間我就算一個星期去3次gym room都完全幫唔到手瘦落黎，磅一D都減唔到。
然後就開始社運同COVID-19，真係足兩年無入過gym room。身形開始暴脹，腰圍30吋、肚腩突出黎個位去到成33吋，每個月M到前小腹更加突出，真係自己見到自己都唔開胃
而我既家人亦不停咁話我肥，每次見到我食炸雞翼/蛋糕/薯片就會話我好肥好肥，肚腩大過乜乜；親戚問我係咪有左⋯⋯有一晚我爸爸又再話我肥，於是個刻我爆發了——我話我以後都唔食晚飯！
先講我做左一個月168斷食既成績：
1）一個月減左5kg。
2）自己覺得著衫係good fit 左——以往覺得頂住cool 住既腰圍無咁緊，但神奇地腰圍係無減過。
3）BMI入番Normal 個range (因為減左磅）
一開始唔食dinner 真係覺得好痛苦，個人好肚餓，餓到訓唔到，夜欄人靜時真係餓到/減肥減到喊，覺得自己好委屈。個頭仲要痛足個幾星期⋯⋯
平日每星期加三四日放工搭車會提早好幾個站落車，步行45分鐘至1小時。
目前三餐既時間係0900、1300，最後一餐（如果有)一定係5點前食完，確保有14-16個鐘係無野落肚。過左5點我只會飲水，有時可能會飲無咖啡因既茶，中式西式湯水都唔會飲，確保唔會觸發身體入面既Insulin 水平升高。
有人話減肥係靠七分飲食三分運動，經過呢個小實驗我係信既。以下係自己既小心得/分享：
1）有段時間我好obsessed with 花茶減肥，飲飲埋埋好多荷葉茶、決明子、檸檬水、瑪黛茶盛盛，對我個人黎講一D效果都無
2）宜家早餐係唔會再揀麵包、麵食等澱粉質成份高既野——即係包埋日式飯團、三文治、粉麵、粥、蒸飯等等都唔會食。佢地升糖指數高，又容易消化，好快會餓
3）台灣有節目指要168斷食有效，每餐最好食2份蔬菜、1份蛋白質、1份碳水化合物。我通常都揀有蛋有肉再加一細塊多士做早餐，有時會加半個蘋果雪梨火龍果；午餐就無咁規律，有時碟頭飯都照食
3）有人提議戒澱粉質——戒澱粉質會好快有效，但當你一食番澱粉質身形體重反彈得仲快。（我唔係要結婚而要急速減磅既人）
4）番工時間完全唔會食零食，經常飲水
5）一星期大約一日cheat day — 即係會5點後食野，同朋友見面都歸落呢類
5）有朋友以戒早餐來做168斷食，但無成效。人體夜晚既消化能力相比朝早係差D，所以當你朝早唔食但夜晚食番多D既話，反而身體負擔會大左。但我唔知呢個係咪戒早餐會無咁有效既原因
（最近睇到關於BAML1蛋白濃度同脂肪形成既速度，濃度愈高愈易形成脂肪。而晚上7/8點後BAML1蛋白濃度開始升，升到去10點就好鬼高，所以早D食晚餐丫！）
6）有人減肥係obsessed with 數字—例如卡路里。老實講一同數字扯上關係個人認為就會走火入魔。之前會一星期做3日gym 既日子食咩都會睇卡路里、做運動又會睇住自己燒左幾多卡路里，個一段時間整個人都不好了，而且無成效，仲搞到我連食舊朱古力都唔敢。
（話雖如此我宜家減肥又obsessed with 另一種數字：BMI。雖然我已經入番Normal Range，但原來世衛建議要調低亞洲人既overweight range，超過23已經係overweight，結果我仍然係肥妹，好灰機——所以我又走火入魔了；我仲有成3 kg要減丫陰公）
)
) 應該多D蛋白質為主掛…