低能一問…
我係冇飯煮婦，偶爾都係整吓排骨、蛋之類…
今晚因為屋企人嚟食飯，要處理新鮮嘅大蝦
生吽吽整嘅過程，要剪拑等，進行中嘅時候阿媽話大肚就唔好整啦（佢指係殺生之類？）叫我就咁蒸熟嚟食就算…
後來我聽佢講就咁蒸算…佢一咁講完我心入面好唔舒服… 好驚會有咩負面影響… 宜家仲有d 擔心係咪太殘忍…
你地大肚時會照樣煮海鮮嗎？
好老實講，大肚有幾十樣禁忌，個人覺得除非有科學根據（例如唔食得生野，因為有李斯特菌），其他一切都睇你自己點睇，有啲人迷信啲，有啲人完全百無禁忌，甚至照食生野
大肚已經夠多野擔心，如果連呢啲都要擔心，幾時得黎生，幾時得黎養大佢
19個讚
應該係怕有細菌啫
1個讚
我都覺得自己太杞人憂天…
但個腦又不停咁loop 住係咁諗d 負面嘢。
已經好百無禁忌咁懷孕期間又搬屋又裝修…
盡量唔去諗所謂嘅禁忌。
唯有說服自己…
其實個問題都唔係你大唔大肚，而係你本身都無煮開……
4個讚
我都會叫人「唔好整」
意思係「唔洗咁複雜啦」
「食得咪算囉」
1個讚
唔關大唔大肚事，係殘忍本身都殘忍。
2個讚
⋯⋯咩年代，咁迷信？
如果你話怕處理生蝦會吉到手有食肉菌我都覺得合理啲。
同意，食任何用類都係殺生，就算你冇參與過程唔代表罪孽少啲，咁只係偽善。其實你接受左人係自私就Ok～
另外樓主，你冇煮開飯，不如叫外賣算，大肚婆整親手都唔好啦
1個讚
唔好諗太多啦，好好養胎
1個讚
我大肚時好少煮野，但唔係因為咩禁忌，純粹係見到啲生肉會想嘔同成日作嘔作悶（到5個月先好啲）所以都冇心機煮，其實唔好話煮，我連食都冇心情
海鮮就真係唔好你自己搞喇
唔小心拮到手可以好大鑊
發覺你有啲題文不乎
咁既問題真係應該比人鬧，但原來入面又唔係問呢樣
1個讚
我反而大肚日日係屋企煮飯
平時返工都無煮, 襯大肚得閒學多幾味餸
我大肚時仲劏魚
我諗佢地係驚你整親手啫
其實你自己感覺ok咪得囉,
如果件事令你有負面想法, 咪唔好做, 又唔係必須要做,
最緊要自己ok, 放鬆放鬆
我聽過人講唔好劏/切田雞。
我都照煮飯 邊有咁歎有得唔煮xd
我大肚時 日日煮飯
因為煮自己想食既野
大肚時得閒，會多左時間煮嘢俾自己/老公食，反而好開心。
禁忌嘅野，真係唔好太在意。
1個讚
我自己大肚百無禁忌，因為好多嘢都只係迷信，現代人有科學批判思考，應該自己諗下合唔合理
我有照整過海鮮，跟住老公話驚我處理嗰陣𠝹到手有菌，叫我唔好整
飯我煮少咗，係因為個人太攰又冇咩胃口唔想煮