睇到BBC呢份報導覺得好心寒… 喺英國一個先進發達國家嘅校園日常係強姦, 朋輩間仲要讓受害者接受被強姦唔好當係咩一回事嘅價值觀, 學校知道仲要冷處理, FB喺呢篇報導入面嘅 comment 有好多受害者講返自己幾十年前被強姦 / 性侵經歷, 話甚至(不論男女)老師同學生有性關係好似係平常事咁. 而校園"強姦文化"已經有多年.
喺短短一年多入面已經有成 54000個受害者講出自己經歷, 實際數字一定仲多. 真係好可怕 
好可怕。
好得人驚
所以之前有國際學校話捉個女同學入廁所個d係真正同外國接軌？
乜歪理？
學校知道仲要冷處理，即係呢班人，如果佢哋親人發生同樣嘅事，佢哋會唔會話「睇開啲啦」、「好平常咋」⋯⋯
1個讚
E d所謂強姦 屬真屬假 得當時人自己知，
如果屬真，我唔信係英國 你自己去報警，去醫院驗傷後，犯事人可以隻手遮天，消遙法外。如果你自己唔去報，咁就當然係 who fucking care
唔知點解，我睇到「先進發達國家」就諗起五毛
1個讚
我睇緊報導時都有諗過會唔會係中國媒體滲透, 唱衰英國等香港人唔好移民. 但BBC之前都有報新彊集中營情況, 仲被五毛洗版 attack, 所以我又覺得BBC呢篇都可信
喺校園發生所以受害者都係好細個, 加上朋輩壓力, 唔敢出聲同人講 / 報警唔係佢地嘅錯
我無質疑係假新聞，而係你講咩估唔到「先進發達國家」都會咁，五毛黨最常用呢啲口吻去形容外國。先進發達/自由民主嘅國家並唔係代表零罪案，係咪呢啲事發生係中國，北韓就叫合理？
1個讚
咁重成世界既
應該咁講, 呢件事發生喺印度/巴基斯坦, 唔係合理而係好多人都知嘅事. 而中國發生咩基本上都唔會覺得意外. 但係發生喺英國, 又正正係身邊好多朋友移咗民過去, 又有小朋友, 會令人覺得不安.
當然每個國家都會有罪犯, 令人心寒嘅唔係強姦呢件事(當然強姦犯要切J也不為過), 而係呢種朋輩間, 甚至學校俾嘅壓力, 要受害人就算身理心理上幾受傷都好, 都唔應該當係一回事, 而呢種強姦人或被強姦已經係成為一種"校園文化", 所以更害怕自己嘅仔女好大機會會成為受害者
喺中國北韓無人權無得投票係唔合理,但係係"鬼唔知阿媽係女人"嘅事車.
如果喺英國美國無人權無得投票當然令人心寒, 因為對英國美國係民主體制嘅 pioneer 國家， 對佢嘅 expectation 有唔同有乜咁出奇？
我當個學生細個唔識野，父母都唔理？自己都唔行出第一步，其他人點幫你討公道？
如果真係成為一種校園文化，咁係個間學校嘅問題，而並唔係全國學校校園嘅文化。對外國有expectation唔係咩問題，但係呢個所謂嘅強姦文化同先進發達應該無咩關係
blame the victim？如果同父母關係唔好唔同父母講係咪即係唔抵可憐? 青春期嘅年青人價值觀係建立喺朋輩之間, 呢個心智發育緊嘅時期對於朋輩認同係好重要, 甚至好多時比家人更重要, 就係因為成個風氣係令受害者覺得佢唔應該介意被強姦，所以佢地先唔敢做你所講嘅＂行出第一步＂，所以咁多受害者屈屈埋埋, 甚至有個12歲女去咗自殺. 我相信如果有人有抑鬱症去自殺, 你都會係嗰啲叫佢點解唔同人傾, 唔去睇開啲走去死咁蠢嗰種人.
其實文章有講:
“A massive issue that we found was that so many young girls, who are victims of assault, don’t think they’ll be believed and feel that the repercussions of reporting are way greater than the assault itself”
意思係"最大問題係呢班年輕女孩受性侵嘅受害者認為無人會信佢地, 而去報案/尋求協助比起被性侵嘅後果會更嚴重"
文章有講, 係全國性. 唔係一兩間學校. 講緊全國有5萬多學生分享咗自己被性侵嘅經歷.
唔知點解"先進發達國家"呢幾個字咁觸動到你神經. 我只係對"先進發達國家"嘅道德標準高過某強國或落後地區. 亦都因為英國係"先進發達國家", 所以先會有關心社會嘅人去關注呢個問題, 發起活動想引起社會關注同政府制定政策嚟解決呢個問題. 而我的而且確因為活動發起人先關注到呢個議題, 我唔明成件事有咩咁 offend 到你.
我主要認為先唔先進，發唔發達同罪案係完全無關，外國月亮又唔係特別圓，外國人又唔係代表高尚。引起社會關注應該多發起活動，單單用我估唔到一個XX國家會發生XXXX，比人感覺係你已經預設立場，有bias咁囉！至於道德標準，家庭教育好緊要，之但係西方人嘅道德標準並不一定同東方人嘅標準相同
成件事無offend到我，我只係認為有某啲人將外國或外國人美化咗
咩叫做無人信佢地？班受害人有無去醫院驗傷先？當佢地笨實左，沖埋亮添，咁之後有無去警局報過案？打劫就話捉唔到人姐，被同學強姦，唔會捉唔到人掛。
如果受害人自己唔行出尼，講咩都唔用。
不敢想像
該主題在最後一個回覆創建後30天后自動關閉。不再允許新的回覆。