我生嗰陣係緊急開刀，去到第四日先有奶，但BB出院之前已經一餐食兩安，但我最多嗰次兩邊加埋都係得30ml。
我一路keep住試下埋身喂，埋唔到身就泵出黎咁，但而家未滿月都已經冇乜奶，而家每次泵完兩邊加埋都係10幾20ml左右，但BB已經一餐4-5安奶。
而家啲奶都變白左好多，好淡，我好多方法都試過都冇乜用，就係一直都keep住10幾ml咁，最近突然仲少左，加埋都未必有10ml，我已經唔望自己會追到奶…
我唔介意斷人奶，反正黃金初乳都喂完左，但我以前個胸已經生過纖維瘤，上唔到奶會唔會係乳腺有咩問題呢？
我本身個胸比較平，生完都唔覺得有脹大好多，本身A-B cup，而家頂多都係B，我諗會唔會係天生體質問題所以冇奶咋 
？
其實有好多原因都有機會影響奶量，如果盡左力唔得都無辦法，你有餵過比bb已經好叻架啦，餵奶粉都唔係大問題，最緊要bb健康嘛
我順產生BB，第一胎無經驗，覺得餵人奶又辛苦，所以都係餵咗一個月多啲。
我老公都無迫我話一定要我餵人奶，只係叫我辛苦就唔好勉強。
其實食奶粉大嘅BB都係健康活潑，發育正常，去健康院檢查也順利過關。你唔洗勉強自己的。
至於乳腺和纖維瘤的問題，可能停人奶後再去醫生度查查好啲喎
我餵左好短時間咋，盡左力就算
2個鐘食一次奶又要掃風
開奶粉都覺得餵到懷疑人生
所以佩服人奶媽
姨姨我不行了
唔關事，我胸有纖維瘤、細胸都餵到全人奶。
但第一胎唔得。
餵唔餵到人奶唔一定關媽媽事，埋身嘅話bb 合唔合作都係關鍵。
泵奶就要乎合天時地利人和，放鬆心情，你已經盡咗力，做得好好。
唔一定架
遲咗上奶、身體未恢復都會影響造奶
而且肥先至少啲，啲媽咪朋友話我係肥底，所以乳腺會幼
既然唔介意兩溝，可以keep住兩溝
其間休息多啲、飲多啲水
我嗰陣睇埋中醫，話「血弱」就造奶得唔好，但係補咗之後，我都係休息先至最多奶
不過真係無所謂，奶粉一樣好，睇你想唔想再試多一陣
最緊要唔好覺得係自己唔好
未滿月仲係好初期, 人奶量會慢慢升, 就算富媽都唔會一生完就日日泵到爆樽 
啲奶變白即係成熟乳, 係正常架, 人奶既顏色同傑度都唔影響佢既營養值 
其實餵奶粉都好好, 阿B未滿月食到 4-5安好叻叻, 你覺得可以堅持下就繼續試埋身+泵。覺得想休息就休息下, 唔好迫得自己太緊, 你已經做得好好 
好叻叻, 照顧得BB好好 
我記得我b未滿月時我一泵都係30-40，當時我每次都先埋身，之後再補奶粉 （次序唔可以調轉），跟住到差不多個半月至兩個月，我b慢慢埋完身唔會再喊奶，唔洗再補奶，我每泵係由40，慢慢50 60 70 80 90咁，一路上到100，去到放完產假前都可以全埋身人奶，不過復工後就半泵半埋身，奶量唔定，有試過180，又有80
宜家bb就黎14個月，我已經無再泵，得早晚埋身，已經好少奶，但繼續堅持中
比你做個參考，再考慮繼唔繼續餵，無論決定點，最緊要bb健康，有happy mom先有happy baby
我仔出世留醫左一星期,一開始錯過左埋身同埋泵奶, 返到屋企埋身都係唔成功
自己冇經驗又冇陪月, 頭2,3個星期連奶陣都未見過。
見B埋身食唔到, 就定時泵, 搞到個人好辛苦。差唔多想放棄果陣屋企人叫我試下餵奶之前俾佢埋身食下先, 雖然都唔知有冇食, 但係咁樣慢慢又上到奶, 到做到全人奶差唔多用左3個月。中間都係KEEP住定時起身泵, 有時仲會半夜power pumping, 係好辛苦嘅。追到就覺得值得, 但係講真又唔一定包會追到。其實就算係佛系咁, 唔求全人奶, 有幾多食幾多都會幫到上奶。
睇你想唔想自己辛苦同埋隊友有冇support (唔係果啲「辛苦就唔好餵啦」， 係如果又泵奶又奶樽好多野洗會唔會怨果隻support 
)。一個月都仲係好早, 記得飲多啲水, 超多果隻。
你老公真係好。
我小奶比屋企人串我唔勤力。
想放棄喂奶粉。
比屋企人叫我去睇中醫食藥谷番啲奶出嚟。 
如果樓主唔係就快要返工，仲有好多機會埋身嘅話，試吓 lactation aid，真係好幫到手。
另外都可以去搵母乳姑娘幫手睇睇bb啜得好唔好。平常心，放鬆、休息得好啲奶先嚟㗎
有時啲嘢無得解釋，我第二胎時初生半個月左右曾經斷斷續續咁發燒咗好幾日，燒完無論點飲返點湯水都真係完全無晒奶咁，泵出嚟加埋都係得10-20ml左右，去過健康院母乳顧問都無孚，不過我都keep住俾bb埋身啜，純粹當親子時間咁，然後就餵奶粉，個心會舒服啲，去到三個月左右唔願啜就停喇。
我同你嘅情況都好似啊，我順產都唔上奶，陪月幫我又推又敷勁辛苦先上到少少奶，痛到我死，同樣地先天條件不足BB都唔肯埋身，不過因為啲奶又唔算好少(係一個雞肋嘅份量)，所以堅持泵左半年，出街又谷奶，最慘係谷極都量少
好辛苦啊⋯⋯
因為催乳激素搞到我每次泵奶都有抑鬱嘅感覺，當決定唔餵人奶嗰刻簡直覺得自己係重生～
其實做阿媽已經唔係一件簡單嘅事，真係識得捨棄一啲不必要嘅堅持
可能呢一刻你覺得BB嘅抗體要靠人奶呀～好重要，但其實我身邊好多人都係食奶粉大，我係人奶大嘅但身體仲潺過佢哋⋯⋯
記住，先照顧好自己，後照顧其他人。
原來係咁 =.= 唔怪得我食極上奶野又係咁飲水都唔多奶
人奶呢家野, 餵到就餵, 無就食奶粉
唔會因為食奶粉就無咁健康嫁~
最重要係媽媽心靈健康BB先可以開心咁成長呀!
我BB唔肯埋身，我有搵過lactation幫手，佢地話因為BB一出世就食慣左好易啜到奶既奶咀，就唔會想食人奶，唯一可以試下就係俾奶粉佢嗰陣食慢啲，等佢慣返人奶個速度喎…
我泵奶都泵到懷疑人生，埋身餵個B就喊到好似迫佢食藥咁，心好累，但見到好似個個都冇乜問題，就會覺得係咪自己太唔捱得，而家見你咁講先覺得自己正常啲
多謝大家，聽完大家講心情放鬆左啲，我諗我都會繼續泵奶，泵到幾多就幾多啦，泵唔到就算啦。
我成日都同自己講，去到後期奶粉可能有營養過我，我又唔使戒口，又唔使同BB戒人奶，咁樣諗開心啲
如果你想試埋身，可以喺bb未係超肚餓時試，如果到佢超肚餓，埋身又食唔到，就緊係燥底爆喊啦
我b習慣埋身，晚晚都奶睡，宜家就黎14個月都未正式戒到夜奶，一星期得一兩晚可以瞓過夜，諗到呢啲你就會覺得唔埋身好啲