記得細個既時候媽媽，
成日直接用湯勺飲湯，
佢會攞啲一兜湯同渣出嚟飯台，
食飯食到一半佢攞起個兜湯。
再直接倒比其他家人飲。
如果你唔飲，
佢會話你細個都係食我口水大拉，
扮咩嘢姐？
你細個我比屎你咪又係即刻食。
又有試過豬扒或香腸咬左一啖放番去，
有時都會諗如果佢同外人食飯係咪都係咁。
純粹傾下計。
1個讚
昨晚佢又係咁做，
細佬即時話佢唔衛生，
佢話習慣咗好難改，
叫細佬見到一定要提佢。
父母?
提佢而家“疫情”，衞生啲好點
父母習慣係好難改，介意嘅唯有自己另外畢一碗。
有啲人覺得一家人點樣都冇所謂，唔使講衛生。
苦了注重衛生嘅人，甚至有潔癖嘅人。我家族有小朋友係有潔癖，佢自細都好多嘢唔滿意，但無say無計啦，忍到10歲左右開始表達出黎，大家都好尊重佢，包容佢（特別係飯枱上嘅習慣，大家都改）。
樓主媽媽最大問題係唔包容介意口水尾嘅你地，一心諗住你地嫌棄佢，老人家最怕係「被嫌棄」，溝通上面可能要比多啲技巧，又或者好似我第一句咁講，自己畢一兜，謊稱自己想要熱啲/想要多啲蘿蔔/想點點點…etc 巧妙避開。
3個讚
唉我都試過， 屋企人永遠都唔用公筷， 平時我都算， 有一次病咗兩星期都未好返， 我頂唔順一定要佢哋用 公筷， 佢哋用用下又唔記得，又用個公筷食， 激到我紮紮跳， 結婚後很少回家吃飯， 這是其中一個原因
1個讚
應該冇
唔用公筷，我覺得無咩所謂。
沙士後，同啲同事飲茶個個都用公筷好規矩， 所以返到屋企真係唔好慣
由細到大都用公筷啊，不過唔鍾意父母嘅不良習慣其實可以選擇避而不見～聚會嘅時候約出去西餐咪一人一碟唔會分享口水囉
我娘家都幾有table manner同衛生意識… 雖然無用公筷, 但一落筷子夾邊件就邊件, 絕對唔可以再揀第二件… 但我99就有時食食吓飯, 用佢對食過嘅筷子摷碟餸… 當然, 佢摷完我就唔會食啦…
2個讚
99好锺意夾嘢食俾人, 但係用佢食緊嗰對筷子…
所以我盡量唔坐佢隔離, 同埋見佢個勢想夾嘢俾我就話’自己嚟’OR’我夠嘞’
3個讚
呢個真係好救命，我老公個邊親戚食飯都係咁，撩黎撩去又唔用公筷，奶奶見我唔郁仲問我做乜食咁少。
不過我覺得係上一代d人多係咁，好似覺得一家人冇所謂。我小朋友細個時，奶奶成日自己咬完又餵佢地，都睇到我好嬲，嘈左好多次佢終於知咩叫用交剪。
2個讚
有人怕熱怕食熱野，連涼茶湯品嘆凍飲
有人唔飲飯前湯
食飽用匙羹畢落碗慢慢飲
講起唔用公筷，我記得當時第一次上男朋友(而家嘅老公) 屋企食飯，咁佢哋冇用公筷，我本身都有啲尷尬，但係都硬著頭皮食。
點知過咗一兩個星期問返老公點解一路都唔用公筷，好似有啲唔衛生，尤其是有客人，我老公先話醒起佢哋有乙型肝炎，佢自己就有打針有抗體。我嗰下即刻好嬲同好驚，係咁喊，我好怕因為咁樣自己中咗招同埋最重要係傳染屋企人，係咁上網搵資料細個有冇打過針。
於是即刻去睇醫生驗，好彩冇事，同埋即刻打針補充抗體。
最搞笑我同我Best friend傾返，竟然佢話佢都有一模一樣嘅經歷，佢又係係咁同佢當時男朋友鬧交，又係驚傳染俾屋企人
乙型肝炎會傳染架~ 要小心啲
唔會。
由細到大都唔會有煲湯係枱。
養成習慣係食完飯走去廚房筆湯。
父母至小教導，你對筷子掂到就要夾落自己個碗到，即使係自己唔小心掂到。
根本係你家家母，搵個藉口將自己拿渣合理化。
佢出去食飯會唔會咬一啖後放返出去？
又會唔會直接用匙筆出面嘅湯？
1個讚
自己屋企都算
我第一次上老爺奶奶度
見佢地一大碗湯一人一隻匙對落去直接飲
係就係唔衛生,
但樓主住娘家, 人地冇必要就你生活習慣
1個讚
我屋企人無咁做過
細個就話啫
而家都係咁
佢地無衛生意識?
