大家好，我係新手媽媽，預產期2月
想請問各位媽咪有無人試過醫院俾封轉介信叫去衛生署check STD性病？之前因分泌物有異常入院做左隂道檢查，結果驗到有兩只菌，醫生話其中一只係每個孕婦都會有的，食左抗生素隂道已經無再有分泌物，另一只醫生懷疑係性病之類醫院俾左封信要我去衛生署檢查一下，其實懷孕初期都驗曬T21結構都做齊曬了都好正常健康，如果有性病一早吾系都已經做T21時驗左啦咩？懷孕初期吾系都會驗左有無愛滋梅毒呢方面既野先架咩？依家都已經28週了，好擔心好驚，有無媽咪試過甘既經歷？我成個懷孕期都無同先生行過房，身體都無咩異樣，今日去衛生署點知去錯時間又要改期再去，唉多一日就擔心多一日
T21 係唔會驗性病, T21只係驗某幾條DNA, 同病係冇關
性病有好多種, 唔知醫生點同你講啦, 係咩病啦,
可能只係陰道入面可以透過性行為傳驗, 唔一定係愛滋梅毒嘅(愛滋梅毒好似驗血驗到),
如果陰道有細菌/真菌, 可能驚順產時會經陰道傳驗BB, 所以都係去睇下好
同埋如果信係健康院/醫院俾嘅, 健康院疊野會有RECORD, 入院時佢地會問你跟進成點,
係唔可以唔睇。我果陣陰唇有幾粒野, 健康院醫生又係轉介左我去傳染病診所
我覺得煩冇去到, 就叫私家幫我睇下有冇問題, 私家話冇特別我就冇左件事。
點知孕中期入左一次院, 產前病房姑娘睇左健康院疊野就問我有冇去傳染病診所,
我話私家睇左話冇野, 佢話一係要醫生紙證明先可以waive左呢個record
結果係我出院前俾醫院產科醫生驗查一次, 佢先幫我waive
如果你係要化驗嘅, 最好都係去睇一睇, 如果唔想去政府, 可以去私家
但係最好拎足診斷證明
T21唔係驗個啲
心急不如去私家驗啦
等咁耐好擔心姐
唔好諗多先啦，再驗多次睇下
系公立醫院俾左張轉介信我叫我去衛生署檢查，醫院無講話係d咩，淨系話驗到其中有只可能係性病
至於係d咩叫我去衛生署驗，我最驚係愛滋同梅毒呢d啊，但聽人講話產檢初期每個孕婦抽血都有驗過呢d架吾係咩
1個讚
真系聽到性病呢兩個字都好驚，如果私家邊到有得睇
如果驗分泌可能睇開嘅產科醫生都得，你下次覆診問下佢啦。
你有冇睇婦產科醫生？
應該可以做test/寫信比你出去化驗所？
可以打電話問下姑娘先book啊！
唔好咁擔心啦，有性病嘅話應該好明顯下，例如會潰爛或者好痕？
孕婦分泌有異常好正常，我估係你個醫生講得誇張咗。
我自己成個孕期都驗左兩三次，主要係B鏈 /念珠 / 大腸桿菌
其中一次同你而家差唔多週數，可能係大腸桿菌誘發尿道炎，所以有流粉紅血，要食抗生素一星期。
最近一次再驗，竟然咩菌都冇曬。
我係上網搵資料，每日飲 110-200 mL Rabenhorst 隻紅莓汁，好感恩真係有效，雖然貴咗啲。
有人話食cranberry supplement 都 work，你自己search下
我只知 係會用開刀代替順產減少係生產過程中病毒經陰道傳俾BＢ。
我唔知解釋啱唔啱，你可以再問吓醫生。