官立及資助小學的下學年入讀小一自行分配學位錄取名單今日(22日)出爐，今年有近2.3萬名兒童獲派此類學位。傳統名校九龍塘喇沙小學雖然可以網上查閱結果，但於早上9時卻仍有多名家長選擇親來一趟。大多受訪家長均表示因是舊生，故兒子於收生計分方面獲得加分，坦言心情十分開心，對於不少人帶小孩移民的看法，有人表示想小朋友先學好中文，故不考慮；亦有人承認原本確有移民打算，但得知兒子被心儀母校取錄後，現在決定留港。
舊生岑先生指對除了因為情意結，母校的學術，體育，音樂及校風一直享負盛名，因此一心希望兒子入讀喇沙，但他笑言兒子對此並不知情，因為不想他有過大壓力。他又指雖然香港小學教育即將涉獵國家安全教育，但不會擔心，因為是大勢所趨，是香港人教育的一部分。被問及會否移民，他亦表示不會考慮，認為英文比中文易學，希望兒子學好中文。
其子憑25分高分獲派入喇沙小學，與太太結伴同來的伍先生則表示雖然有移民潮，但仍然認為今年競爭激烈，太太為了增加入讀籌碼，亦做了許多準備功夫，如為兒子報讀多樣興趣班。他表示一直好欣賞母校全面的教育，原本打算如果不獲取錄，就會帶家人移居加拿大，現在則可以陪兒子留港讀書。
此外，難掩興奮的葉太在得知兒子受名校取錄後，多次向在場記者表示「好開心，好興奮」。她又坦言為了培育兒子，他每月所報的游水、網球 、語言等興趣班，實所費不菲，每月花費可能過萬。她現在會趕回家與家人分享喜訊，為獎勵兒子，稍後會同丈夫帶他去主題樂園慶祝。
中文屋企教都得，唔係細細個過去學好英文好d咩，再大d會更難融入
呢家掉返轉，話中文好難學，英文易學好多，唔使去外國d小朋友都捨難取易識英文多過中文。
係香港，屋企中文都教唔到，莫講去到外國仲keep到。
係外國小朋友可能覺得冇必要學中文唔想學, 最後就變左迫佢地學
話學好d中文嘅人，知唔知依家d小朋友學緊邊款嘅中文？
過去外國唔係單單英文，融入唔到人哋嘅文化，英文吹到識飛都無用。
3個讚
傻傻哋。我朋友先至話佢個仔覺得入面老師懶，無心教書。佢係級頭，轉校走咗
2個讚
本身讀得喇沙既, 有1半都係出國架啦…
今天入到喇沙, 讀得完6年都好, 中一都係PLAN左要走架啦~
1個讚
家長：「我向兒子說過，給他少許壓力，向他說看到老師要說取錄我，不取錄的話，回家會被爸爸打死。(兒子有真的這樣說？)他當開玩笑，但都有少許壓力。
我到底睇左啲乜野。。。
個家長up乜, 因為入唔到間學校要打死個仔？自行收生唔入個仔做錯啲咩…….
去左外國，小朋友 10 個有 9 個都唔願意學中文，一來冇用（佢地讀書嗰十幾年都唔會點用到，除非 A Level 讀囉，不過畀著我都唔肯學啦，學完又冇用處，留返時間玩仲好過），二來中文咁多筆劃又冇得拼音讀，鬼肯讀，三來去到外國啲教材可能係簡體字。不過有冇用都係睇際遇，冇人肯定到 20 年後小朋友出黎搵工需唔需要英文，touch wood 公司想升人，派識中文嘅同事去亞洲做野，咁可能中文就係幫佢升職。亦可能佢一生都唔需要用中文，甚至英文都唔多用，去左歐洲其他國家融入。
香港都唔少家庭想迫仔女睇中文書讀多啲中文都唔得，更何況中文。
融唔融入唔係睇英文程度，係睇有冇心。好多移民都係英文半鹹淡，「鄉音無改」，佢地都好快融入。倒返轉外地人黎香港，中文半桶但有心就已經融入。
我相信香港比較學術性高嘅學校嘅英語程度足以令到小朋友輕鬆銜接。
2個讚
個家長癡左邊條筋，自行喇沙嘅成功條件係父幹 (舊生)+信者得救 (宗教)+運氣 (number 靚抽得中)，同阿仔係完全冇關…
3個讚
Quinn
16
Yes，香港好多Band 1中學，學生IELTS都輕鬆拎到7分以上，出國讀書無問題。
反而中小學出左去之後，中文基本上無人願意學。