你嘅抑鬱源自於你嘅無助同絕望
你係咪成日一個人思考未來 越唸越驚 越大壓力
覺得好辛苦 好攰 好似每一日背負住一坐山咁
好想死 已經唔想再生存 因為你見唔到個希望
你要搵地方釋放你自己情緒
如果唔係 當你一崩潰 所有野都會跟住崩潰哂
未結婚就岩曬，同個男人斷曬所有關係啦。
-
找人湊，然後你去返工。你話有人幫你湊，不過要放去人地屋企。有呢個option好幸福架啦，唔好諗咩見唔見到個小朋友，生存下去最重要。
-
辭工食綜緩，直到小朋友找到托兒/返學，先返工。呢個睇下你經濟壓力。最緊要係你唔好幫個男人還錢啦。
兩個option都可行，都有人行過。如果你係對著小朋友會亂諗野，返工精神好d既人，揀第一個。如果係一唔對著個B就好擔心佢既人，揀第2個
6個讚
你的確係唔醒目搞到要阿媽繼續幫你，你自己搞唔掂又唔肯俾人幫佢仲心痛啦，你害左個小朋友添啊，有人肯伸出援手你而家仲唔接受等幾時？
應承自己第時唔好再跟錯男人，孝順返佢咪得囉。
2個讚
搵到人幫手湊、又有地方住，最好可以part time 先，bb 太細啦。
湊到2 歲 或3 歲，報全日班，自己搵office hours full time
去到高小，就會輕鬆好多
*利申：阿女2 歲我離婚，一直有part time 之後full time
3個讚
我唔識pm
你講到好中呀
所有野都知都明 但唔想去面對⋯連睇返呢個post都要搵時機，唔想自己又諗，又喊，一去處理就覺得好煩，好想逃避，但關乎阿b我唔想完全冇打算，唔可以由得佢唔解決⋯
好多時唔敢同屋企人同朋友講，唔想佢地擔心/好似講左佢地似食花生多過手，估唔到可以喺度搵到啲實質幫到我既方法，人間有愛好多謝你地
你係咪好細個？你屋企人又點同朋友，佢哋衰極都唔會想見到你有事，唔好諗埋一邊，好好安置左湊bb一事先，搵屋企人幫手又好搵社區保姆幫手又好，向前望，為母則強，加油
首先，我諗有育嬰院offer你都未必負擔到，一個月講緊成6, 7000蚊，加埋你每個月要還5000幾loan(相信係用你自己名借)，你唔使食飯搭車交租咩？我相信你人工未高到可以應付咁多開支，你而家要接受左阿媽幫助先，返佢度住好定佢金錢支助你好，起碼捱過呢關先，至於湊b你要放手，有人免費湊已經要感恩，除非你諗住唔還錢去申請破產，再申請綜援，否則你想返工只有呢個選擇，至於個男人，如果未結婚根本唔使理佢，記得以後戴眼識人！bb返n可以申請政府資助，到時壓力就會細好多！
1個讚
我唔細嫁喇
幫我湊嗰個親戚都要俾錢佢 俾個數同請工人差唔多 仲要見唔到個仔我返屋企住係同婆婆住 所以都要俾家用算係慳左俾平租交水電煤同買餸錢⋯件垃圾話每個月肯俾返份loans錢 有多會幫手bb洗費既 但經過呢段時間 我會假設佢冇得交
一於找你媽幫手先啦，再搵專業人士解決情緒問題，穩定左再諗其他野（e.g.再請唔請工人or轉工等等），老套講句：世上只有媽媽好，任何時間佢都係你避風巷。
如果佢牽動到你情緒，就無鬼理佢，無鬼聯絡先啦。身體要緊！
冇人幫到你 其實所有野都係自己選擇
You know
呢個世界係醜惡嘅 自私嘅人係生活得比較開心
好似你老公咁
我相信你唔想唸到咁負面 但控制唔到
你都好清楚要點 但你做唔到
如果可以 我相信你會想揼低所有嘢
但現實就係咁殘酷 唯有堅持住
你真係好努力了 辛苦哂你 一直以黎嘅努力
總有一日 你會見到個曙光
然後到果日之後 就比自己好好地停低休息下啦
加油!!
2個讚
我好想同大家分享，佢岩岩搵我話佢又俾人炒左
我都唔明點解佢返工咁易俾人炒⋯
你要幫自己的話，一定要遠離佢，唔好理佢既事，唔好被佢牽動到你情緒。
佢份人本身有問題羅，佢係衰人黎架啦，唔好俾佢食埋bb既奶錢
我同佢講你自己決定之後搵咩工 我唔再想理
你可以myschool網到找下你嗰區有什麼全日/長全日的幼稚園，上學校網/打去問幾時可以報名。
社會福利署 - 鄰里支援幼兒照顧計劃 社區保母就呢到按區域找
你又可以上Google搜尋下你嗰區托兒服務，例如打 觀塘 託兒，日間中心，保姆 呢啲字眼
其實你依家起碼有揀回娘家住加親友幫你湊的選項，只係想揀更好，每日有得見bb，咁諗會正面好多。
試下申請託兒服務/社區保姆先，社區保姆係好平得服務，大概$20-23/hour ，仲要包食，啲姨姨湊得幾好，會有專責姑娘跟進，起碼唔會出現新聞的虐兒事件，又可按你工作需要配對肯幫手而住附近的姨姨，但就要每日接送。
1個讚
媽媽, 加油呀, 你唔係自己一個, 睇你上面啲留言, 至少仲有你媽媽撐住你, 你未必需要依賴曬佢所有既BACK UP, 但你知道有一個係背後撐住你, 你個心都會定啲, 唔駛淆! 我同你一樣, 我個死佬都係爛賭, 借到一身債, 仲要咁多年都唔畀我知, 再繼而偷食, 我而家都幫佢揹左一條數架, 每個月還既錢都唔少。我而家都係靠自己份人工, 靠奶奶幫補吓先勉強可以捱到, 我咁多年做嘢既儲蓄都無曬啦! 而家月月清, 其實我都好失落, 有時都好想死, 但諗咁多, 就愈諗愈傷心, 不如唔好諗!! 無嘢過唔到…支持你…
另外, 你可以睇吓綠色小腳叭有無請人, 佢哋都好幫助一啲單親媽媽, 有聽過可以帶埋小朋友返工, 你打去問吓丫…
3個讚