我阿媽都好鍾意掉我啲嘢，喺我間房無論有乜嘢唔順眼佢都會掉，同有冇位係完全冇關係，而且掉咗佢係唔會認係佢做，有一次喺垃圾桶見到有啲寄俾我又未拆嘅銀行信，問佢做乜又掉我啲嘢，佢仲發我爛渣 
所以我覺得自己壓力越大反抗力越大，自從喺娘家搬走開始，都冇斷捨離嘅習慣 
3個讚
咁鬼恐怖，呢啲嘢唔掉佢係咪又夠膽用／食先？俾我一定會質問佢
1個讚
謝謝鼓勵你，但我b就出世，我真係唔想成屋垃圾咁
係我朋友喺度佢先肯掉d，之前好多次得我同佢，永遠都只係拎出嚟睇完一輪又塞番入去，一樣嘢都唔肯俾我掉
D煲花晒冇蓋冇手柄，佢唔俾掉，佢又真係會用…….但只係十個煲入面只會用死一個煲
之前d中成藥過咗期4、5年，佢唔肯掉，仲突登喺我面前沖水飲話冇問題，勸極都唔聽…….我驚佢到時唔係病到入院，而係食完d過期中成藥急性肝衰竭入院
咁我呀媽當年有啲精神問題食緊藥所以佢份人比較偏執，亂扔嘢只係佢其中一種表現方式，
呢方面我都盡量會體諒佢，唔會罵佢，最多拎晒自己啲嘢入房，如果佢都仲入嚟扔我啲嘢咪唯有當自己唔好彩，因為精神有問題嘅人係講唔到道理，罵佢都冇用
佢成日話想屋企乾淨啲冇咁多雜物，咁我咪盡量Keep住自己間房乾淨啲，等佢唔洗「操心」囉，自己當年又冇能力搬出去，真係冇其他辦法
我覺得太乾淨同太污糟都唔好，正所謂「Clean enough to be healthy, lazy enough to be happy」，攞到中間個平衡就最好
2個讚
調味料好平JE,你直接掉左去再買新啦,唔駛問佢意見
屋企真係好多無謂野
咁已經可以即刻掉一半啦,可唔可以叫你朋友再幫忙,狠狠地掉多次
同佢講，要省就自己省，要我做就掉出門口
2個讚
呢樣真呀~香港普遍屋細,攪到女人成世人都係"減肥+斷捨離"
3個讚
好好笑呀~亡國昨日推返幾年前自由講場個斷捨離POST上黎呀 
唔緊要，趁佢唔係屋企就掉
等到佢返嚟已經去哂堆田區
2個讚
過期中藥好似最多係冇藥效，最大獲係如果發霉會有毒素，真係唔好搵命搏 
1個讚
真係一言驚醒夢中人，我阿媽都有精神問題，而我從來冇諗過亂掉嘢係佢其中一樣方式，可能係因為佢由頭到尾都係一個極度極權嘅人
絕對認同唔好同精神有問題嘅人講道理，完全係嘥時間 
其實有陣時我諗佢哋嗰邊啲人會得閒過嚟裝吓我哋唔出奇
只不過我哋提供唔到笑話比佢哋，而佢哋就可以提供好多笑話俾我哋
1個讚
執執下衣櫃好想掉埋d大褸
呢幾年香港都冇冬天，長褸類放足幾年都冇著過
最衰d體積又大，掉5件衫都冇一件褸咁阻掟，煩 
1個讚
咁又要分清楚嘅，有啲人心智正常都可以唔講道理，唔講道理又唔代表佢一定係有精神病
其他人我就唔知啦，我呀媽個case係佢會自己講嘢自己笑，有時好似同緊第二個人傾偈咁，又會成日凝住有人想害我哋屋企，當年佢嚴重到會搔擾埋條街啲陌生人，俾我姨媽捉去睇醫生啪藥都斷唔到尾
呢個情況下佢係困住咗喺自己個精神世界入面，因為佢發作嗰陣你係feel到佢個眼神好飄忽好似認知唔到外在環境咁，你叫佢拍佢，佢都要幾秒先回到神應你
講道理冇用係因為有時我覺得佢自己都控制唔到自己，偏執狂係唔會解釋到自己點解偏執；
罵佢冇用係因為我唔想令佢覺得我係佢嘅敵人，因為我係佢個女，我想理解佢，企喺佢嗰邊陪佢醫好呢個病，罵係對成件事冇助益
所以嗰幾年佢做啲乜我都要硬食，佢搞到其他人我都要幫佢道歉，佢俾狗查身份證知佢有精神病叫佢唔好出街嗰陣我都要幫佢解釋佢呢種精神病係冇攻擊性
嗰段日子真係難捱到仆街，因為所有親戚都會叫我幫佢、照顧佢，從來冇人會關心我嘅感受，甚至會怨我做得唔夠好
Sorry唔小心打咗千字文，但係諗返起呢段回憶突然有感而發
5個讚
我唔係要問佢，而係佢平時擺到好高，要佢幫手拎落嚟，之後我掉，佢就突然出現游說我唔好掉，我冇理呀，照掉
1個讚
我已經安排咗下一次執廚房大行動
2個讚
佢都唔聽人講