大家一齊分享吓意見
我辭咗職而家搵緊工（同而家個老闆關係NG，有單嘢我處理得唔好，俾位佢入，要我自己遞信）。因為公司細，得佢同大老闆，佢哋係同一夥，基本上冇其他contact可以俾，驚俾佢哋寫衰我reference check。
呢一份工做咗就尼3年，諗緊唔寫哩份落cv，唔寫就employment gap咁耐又好弊
仲要「屋漏兼逢夜雨」，我今年已經37歲，因為遲結婚，所以最近先至開始計劃生仔，如果呢段時間咁好彩bingo，都唔知同唔同見工嘅雇主講
1個讚
CV照寫, 你工種興REFERENCE CHECK嗎? 唔係所有工種都會CHECK, 可能INTERVIEW時問下你上一份工點解走呀?
要封離職證明信, 你唔駛要佢寫D咩, 就咁寫你任職時間, 其他你INTERVIEW時自己解釋執生
5個讚
我之前見親都要reference check呀
其實我有諗過好唔好見工時照直講，但好似好蠢好on9，因為見工嘅聽到一定會覺得係員工問題多於老闆
我覺得3年時間唔算短，冇寫有個長gap仲怪。通常聽過合理少少既解釋係湊仔/屋企人病左，唔知係作定真。
你其他工做得長唔長？如果其他都做得長, 就算對上個間ref check 唱我，相信hr都會考慮埋係咪只係片面之詞。如果份份都做得短，咁就大獲d。
講就咁講 但其實好多都唔會check
3年梗係寫
其他工唔算長，唔夠兩年/ 兩年多少少
真係摸唔到底哩個老闆會唔會玩嘢，所以好猶疑
你意思係問完candidate拎reference check contact，之後唔check?
以我所知Ref check好鍾意問會唔會再請番哩個人，如果唔會就答原因….
如果唔寫佢做ref check, 見工者應該會覺得我有鬼
通常都係要你同意左 但係好多都唔check
我之前既公司都係check你係咪真係係果度做過 好少問到咁details 如果會問到咁 其實間公司都幾西 因為你有試用期架嘛 做野能力係呢3個月會睇到
3個讚
講，包裝定d 字眼，interview 問起就講離職原因。
2個讚
轉過好多次工, 其實真係好多都唔會check 
我講講自己揀人時既心態（利申：我唔係做商界）screen d 申請表時，會睇佢每份工做左幾耐，你ref check係咪上一份工，反而唔重要，但如果有3年gap，反而仲引起懷疑，會令人不斷咁問落去，仲衰過唔寫。
至於Interview時會問點解要走，我覺得只要唔係講僱主不是就可以。
6個讚
係，我都有幫前下屬填過。我覺得最近個1,2份工報大公司的話應該係會check。中小企就少d 收。
3年一定寫，照填公司general line囉
我哋做reference check有份standard form，通常啲公司都吸翻個印寫no comment，只證明你係自己辭職/ terminated
你辭職前嗰陣應該叫佢寫封好睇嘅 recommendation letter 等你易揾工。
而家趁未走，仲可以入房同佢打人情牌，同佢講做左3年有感情，出面難搵工，我寫咗份 Recommendation Letter draft，想請 你review, 無問題嘅話我用公司Letter Head 比你簽
佢簽咗份嘢嘅話，就唔會唱衰你
你都可以光明正大擺佢入去做 Reference
比我照寫，要check先算，我會搏下，寫衰都冇辦法，好過有成3年gap咁長
我唔寫直屬老闆寫人工部聯絡都可以？
之前見工D reference check 要俾唒名，我以為係直接聯絡我填嘅人？
我會照寫
以後幫過幾個舊同事做reference check contact
通常hr 打嚟都係confirm下佢係咪真係喺度做過同係咪俾人炒，唔會問其他detail
同埋有時留咗contact都未必打嚟
關係唔好應該難幫佢簽啦
如果真係驚影響之後揾工，都要試吓”ai” 
1個讚